Ortalyq kommýnıkasııalar qyzmeti alańynda ótken baspasóz máslıhatynda «Qoǵamdyq pikir» ınstıtýtynyń keńes tóraıymy, áleýmettaný magıstri Aınur Májıtova málim etkenindeı, elimiz boıynsha 325 saılaý ýchaskesiniń shyǵa berisinde azamattar arasynda jasyryn saýaldama júrgizilgen. Saýaldama júrgizý barysynda oblys ortalyqtary men Nur-Sultan, Almaty jáne Shymkent qalalary qamtylǵan. Sondaı-aq shaǵyn qalalar men aýyldyq okrýgterdegi saılaýshylarǵa da suraý salynǵan. Saılaýshylar arasynda saýaldama júrgizý halyqaralyq qaǵıda boıynsha júzege asyrylyp, 13 200 saılaýshyǵa suraý salynǵan. Irikteme qateligi shamamen 3%-dy quraǵan.
Sonymen «Qoǵamdyq pikir» ınstıtýty júrgizgen Exit-poll qorytyndysy mynadaı:
«Qazaqstan Kommýnıstik halyq partııasy» qoǵamdyq birlestigi usynǵan Jambyl Ahmetbekov – 3,86%; «Aq jol» Qazaqstannyń demokratııalyq partııasy» qoǵamdyq birlestigi usynǵan Danııa Espaeva – 5,32%; «Ult taǵdyry» qozǵalysy usynǵan úmitker Ámirjan Qosanov – 15,39%; «Aýyl» halyqtyq-demokratııalyq patrıottyq partııasy» qoǵamdyq birlestigi usynǵan Tóleýtaı Rahymbekov – 3,03%; Qazaqstan Respýblıkasynyń Kásipodaqtar federasııasy usynǵan Amangeldi Taspıhov – 1,41%; «Nur Otan partııasy» qoǵamdyq birlestigi usynǵan Qasym-Jomart Toqaev – 70,13%; «Uly dala qyrandary» respýblıkalyq qozǵalysy usynǵan Sádibek Túgel 0,86% daýys jınaǵan.
Al «Jastar» ǵylymı-zertteý ortalyǵy júrgizgen Exit-poll nátıjesi boıynsha «Nur Otan partııasy» qoǵamdyq birlestigi usynǵan Qasym-Jomart Toqaevqa saýaldamaǵa qatysqan saılaýshylardyń 69,94 paıyzy daýys bergen. Bul jóninde ortalyq dırektory Talǵat Qalıev habarlady.
Sonymen «Jastar» ortalyǵy júrgizgen saýaldama qorytyndysy boıynsha Qazaqstan Prezıdenttiginen úmitkerlerdiń kórsetkishteri mynadaı: Jambyl Ahmetbekov – 3,06 paıyz, Danııa Espaeva – 4,78 paıyz, Ámirjan Qosanov – 14,96 paıyz, Tóleýtaı Rahymbekov – 2,71 paıyz, Amankeldi Taspıhov – 2,63 paıyz, Qasym-Jomart Toqaev – 69,94 paıyz, Sádibek Túgel – 1,92 paıyz.
