Qonysbaı aǵaıdyń aıtys ónerindegi eńbegi muqym elge erteden belgili. Sonymen qatar aqynnyń eń alǵash Astana qalasy Til basqarmasynyń basshysy bolyp, sol kezdegi orystanǵan Aqmolanyń kóshelerin qazaqshalap, qalanyń rýhanııatyna kóp eńbek sińirgenin de aıta ketken jón. Mereıtoı ıesin quttyqtaý sátinde buryn Til basqarmasynda áriptes bolǵan, qazir «Rýhanııat» ortalyǵynda qyzmet isteıtin Svetlana Ábdeshqyzy sóz sóılep, óz esteligimen bólisse, alashtanýshy ǵalymdar, ortalyqtyń ǵylymı qyzmetkerleri Saǵymbaı Jumaǵul men Qaıyrbek Kemeńgeruly týǵan kún ıesine aq tilekterin aıtyp, aqynǵa ózderiniń kitaptaryn syılady.
Qoǵamdyq isterge atsalysyp, jastarǵa aqylyn aıtyp júrgen aǵamyz «Qonysbaıdyń qaljyńdary» atty shaǵyn kitabyndaǵy ázilderin aıtyp, jınalǵandarǵa jaqsy kóńil-kúı syılady. Men de aǵanyń ákem jaıly aıtqan shýmaǵyn esine saldym. Birden kitabyn ashty da, paraqtaı bastady. Sóıtip, ákem Montaıdyń aıtysqa shyqqan sáti týraly esteligine úńilip, oqı bastady:
«Amangeldi aýdanynyń aqyndar aıtysyna Montaı degen jas jigit qatysady. Onyń bir ereksheligi – qarsylasynyń ne aıtyp jatqanyna qulaq salmaı, tamaq ishýmen bolypty. Keshigip kelgen bireý qazylar alqasyna qarap:
- Aıtys qalaı ótip jatyr? – dep suraıdy.
Sonda Montaıdyń qylyǵyna máz bolyp otyrǵan Qonysbaı:
Aqyndar daýsyn baptap, sándep otyr,
Kópshilik olar úshin qam jep otyr.
Qarsylasy qadalyp synap jatyr,
Montaıjan jaıbaraqat nan jep otyr, - dep jaýap qaıtarypty».
Ákem jaıly osy áńgimeni Qonysbaı aǵanyń óz aýzynan estip, men de, ujym da kúlkige qaryq boldy.
Ortalyq qyzmetkeri retinde Qonysbaı aǵaıǵa men de tilek aıttym. Biz Arqalyq qalasynda júrgende bir top stýdent Aıbek Qalıev aǵaıymyzdyń kabıneti men úıinen shyqpaıtynbyz. Ustazymyzdyń bizge bergen tálim-tárbıesi, úlgi-ónegesi – jóni bólek, bolashaqtyń enshisinde tebirenip otyryp jazatyn estelik-áńgime. Oǵan atústi qaraýǵa bolmaıdy. Tek bir ǵana ónegeli sózin aıtýdyń reti kelip tur.
Únemi bizge bolsyn, eldiń aldynda bolsyn:
- Men úshin úlken ataq – «Qonysbaıdyń shákirti» degen sóz. Osy kezge deıin alǵan ataq, jıǵan abyroıymnyń ishindegi eń úlkeni – osy» dep árdaıym bizge ustazdy qurmetteýdiń ǵajap úlgisin kórsetti.
Men Qonysbaı aǵaıǵa ustazymyzdyń osy sózin aıtyp, aq tilegimdi joldaǵanymda, maǵan basyn shulǵyp, qoshtaı sóılep, bul qurmettiń ózine de qymbat, baǵaly ekenin baıqatty.
Kúni keshe ǵana Kókshetaýdan densaýlyǵyna baılanysty demalyp, em alyp kelgen aǵamyz sol kúni bizdiń ortamyzda jaqsy kóńil-kúımen, ótken ómirindegi erekshe sáttirin, ásirese, Halyq aqyny ataǵyn qalaı alǵandyǵyn jáne ony alǵan kezde kózine jas alǵanyn da jasyrmaı áńgimelep berdi.
Qoǵamdyq isterge atsalysyp, jastarǵa aqylyn aıtyp júrgen aǵamyz «Qonysbaıdyń qaljyńdary» atty shaǵyn kitabyndaǵy ázilderin aıtyp, jınalǵandarǵa jaqsy kóńil-kúı syılady. Men de aǵanyń ákem jaıly aıtqan shýmaǵyn esine saldym. Birden kitabyn ashty da, paraqtaı bastady. Sóıtip, ákem Montaıdyń aıtysqa shyqqan sáti týraly esteligine úńilip, oqı bastady:
«Amangeldi aýdanynyń aqyndar aıtysyna Montaı degen jas jigit qatysady. Onyń bir ereksheligi – qarsylasynyń ne aıtyp jatqanyna qulaq salmaı, tamaq ishýmen bolypty. Keshigip kelgen bireý qazylar alqasyna qarap:
- Aıtys qalaı ótip jatyr? – dep suraıdy.
Sonda Montaıdyń qylyǵyna máz bolyp otyrǵan Qonysbaı:
Aqyndar daýsyn baptap, sándep otyr,
Kópshilik olar úshin qam jep otyr.
Qarsylasy qadalyp synap jatyr,
Montaıjan jaıbaraqat nan jep otyr, - dep jaýap qaıtarypty».
Ákem jaıly osy áńgimeni Qonysbaı aǵanyń óz aýzynan estip, men de, ujym da kúlkige qaryq boldy.
Ortalyq qyzmetkeri retinde Qonysbaı aǵaıǵa men de tilek aıttym. Biz Arqalyq qalasynda júrgende bir top stýdent Aıbek Qalıev aǵaıymyzdyń kabıneti men úıinen shyqpaıtynbyz. Ustazymyzdyń bizge bergen tálim-tárbıesi, úlgi-ónegesi – jóni bólek, bolashaqtyń enshisinde tebirenip otyryp jazatyn estelik-áńgime. Oǵan atústi qaraýǵa bolmaıdy. Tek bir ǵana ónegeli sózin aıtýdyń reti kelip tur.
Únemi bizge bolsyn, eldiń aldynda bolsyn:
- Men úshin úlken ataq – «Qonysbaıdyń shákirti» degen sóz. Osy kezge deıin alǵan ataq, jıǵan abyroıymnyń ishindegi eń úlkeni – osy» dep árdaıym bizge ustazdy qurmetteýdiń ǵajap úlgisin kórsetti.
Men Qonysbaı aǵaıǵa ustazymyzdyń osy sózin aıtyp, aq tilegimdi joldaǵanymda, maǵan basyn shulǵyp, qoshtaı sóılep, bul qurmettiń ózine de qymbat, baǵaly ekenin baıqatty.
Kúni keshe ǵana Kókshetaýdan densaýlyǵyna baılanysty demalyp, em alyp kelgen aǵamyz sol kúni bizdiń ortamyzda jaqsy kóńil-kúımen, ótken ómirindegi erekshe sáttirin, ásirese, Halyq aqyny ataǵyn qalaı alǵandyǵyn jáne ony alǵan kezde kózine jas alǵanyn da jasyrmaı áńgimelep berdi.
Toba О́TEPBAI,
«Rýhanııat» KMM bólim basshysy
