Jeke kásipker Aleksandr Voronovtyń qarjylyq demeýimen zamanaýı «Izýmrýdnoe» demalys bazasy bir jylda salyndy.
«Týrıstik nysanda demalýshylarǵa bar jaǵdaıdyń jasalǵany quptarlyq. Ystyq jáne sapaly aýyz sý, abattandyrylǵan jaǵajaı, balalar alańqaıy bar. Barlyq demalys bazalary osyndaı deńgeıde bolýy tıis», dedi Qumar Irgebaıuly.
Sondaı-aq óńir basshysy «Shalqar sý» sanatorııiniń jaıymen de tanysty. Jańa ınvestor qalpyna keltirý sharalaryna 1 mıllıard teńge bólgen. Mundaǵy emdeý orny 200 deıin adamdy qabyldaı alady. 50 adam eńbek etedi. Sanatorııde radon jáne sazben emdeıdi, janynda tuzdy kól ornalasqan. Kásipodaq joldamalary boıynsha muǵalimder, dárigerler, ardagerler osynda demalatyn bolady.
Búginde Imantaý-Shalqar kýrortty aımaǵynda 38 týrıstik nysan bar. Byltyrdan beri 411 mıllıon teńgeniń 10 jobasy júzege asyp keledi. Jyl aıaǵyna deıin taǵy 7 demalys bazasy ashylmaq.
Infraqurylymdy damytýǵa da úlken kóńil bólingen. Joldardy jóndeýge 3 mıllıard teńge qarastyrylǵan. «Vızıt ortalyǵy» salynyp, Imantaý kóliniń jaǵalaýy qalypqa keltiriledi. Botaı mádenıetiniń murajaıy da qurylady.
