Bul týraly óńirlik kommýnıkasııa qyzmetinde ótken brıfıngte Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamentiniń bas mamany Almaz Ǵılmanov jetkizdi.
Jalǵan avtokólik nómirleriniń paıda bolýyna túrtki bolǵan kimder? Máseleniń mánisin baıyptaı kelgende, gáp tómendegideı bolyp shyqty. Iаǵnı, jymysqy áreketti jasaýǵa bel býǵandar aqysyz ınternet kózderine jarnamalar berý arqyly óz qyzmetterin ashyqtan-ashyq usynady. Nátıjesinde, jalǵan nómir satýshylardyń qyzmetin paıdalanýǵa múddelilik tanytýshylar boı kótere bastapty. Jasyryn júrgizýshiniń, bir sózben aıtqanda ózge avtokóliktiń jol-qozǵalys erejesin saqtamaı, emin-erkin júre berýine jaǵdaı jasalatyn kórinedi.
Sondaı-aq jalǵan nómir jaǵdaıynda jol-kólik qozǵalysyn buzǵandardyń beınekameraǵa túsip qalatyn kezinde aıyppul tólemeýine taptyrmas múmkindik týmaq. Buǵan qyzyǵýshylyqtyń basty syry da osynda. Qazir avtokóliktiń artqy jáne aldyńǵy jaǵyndaǵy jalǵan nómirlerdiń baǵasy 7000 teńgeniń ústinde ekeni de belgili bolyp otyr. Syrt kózge naǵyz memlekettik nómirden aıyrmashylyǵy joq dese de bolady. Mundaı jaǵdaıda jalǵan nómirdi birden anyqtaý da ońaıǵa túse qoımaıtyny málim. Onyń anyq-qanyǵy qazirgi kezde Aqtóbede jol-kólik erejesi buzylyp, ony ákimshilik polısııa qyzmetkerleri málimetter bazasynan teksergen kezde ǵana anyqtalýda. Ras, ázirge oblys ortalyǵynda jalǵan nómirdi paıdalaný derekteri aıtarlyqtaı kóp deýge bolmaıdy. Ázirge kózge kórinbeı, baıqalmaı júrgen jalǵan nómir ıeleri jáne ony jasaýshylar qansha ekeni belgisiz kúıinde qalyp otyr.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti jalǵan memlekettik nómir jasaýshylardy anyqtaý úshin Aqtóbe oblystyq polısııa departamentine usynys hat túsirdi.
Aqtóbe
