«Ortalyq saılaý komıssııasynyń shaqyrýymen Qazaqstan Prezıdentin saılaýǵa baıqaýshy retinde qatystyq. Biz saılaýǵa deıingi daıyndyq jumystarynan bastap, saılaý barysyndaǵy ár sátti jiti baqyladyq. Naqtyraq aıtsaq, Qytaı Halyq Respýblıkasynyń delegasııasy saılaý kúni №121, №110, №140, №159, №58, №59 ýchaskelerindegi jumys barysyn baqylady. Atalǵan ýchaskelerde eshqandaı da zańǵa qaıshy áreketter tirkelgen joq», dedi Chjan Sııýn baspasóz máslıhatynda.
Onyń aıtýynsha, Prezıdent saılaýy halyqaralyq standarttarǵa saı ótken.
«Biz saılaý barysyndaǵy ár daýys berýshige berilgen bıýlletenderdi berý jumysynan bastap, saılaýdan keıingi daýystardy esepteý sátindegi jumystarǵa deıin qadaǵaladyq. Barlyq ýchaskelerde saılaý barysy ashyq ári demokratııaly túrde ótti. Atalǵan Prezıdent saılaýy Qazaqstan zańyna sáıkes jáne halyqaralyq tártipke saı ótkenin atap ótkim keledi. Eshqandaı da burmalaýshylyq tirkelgen joq. Sondaı-aq BAQ ókilderi saılaý barysynda belsendi túrde aqparat taratty», dedi Chjan Sııýn.
