QR ulttyq ekonomıka mınıstri R. Dálenov bıylǵy qańtar–mamyr aralyǵynda JIО́ oń qarqyny saqtalǵanyn — ósim 4% quraǵanyn aıtty.
«Investısııalardyń dınamıkasy JIО́ ósim qarqynynan joǵary. Osy jyldyń 4 aıyndaǵy 6,7%-ǵa qaraǵanda, ósim 7,8%-ǵa deıin artty. Aýyl sharýashylyǵynda jáne qurylys salasynda ınvestısııalar bir jarym ese ósti. О́nerkásipte ınvestısııalar 17,5% -ǵa ósti», — dedi R. Dálenov.
О́nerkásiptik óndiris bıylǵy qańtar–mamyr aılarynda 2%-ǵa artty. Qurylys salasynda jedeldeý baıqalady. 5 aıdyń ishinde ósim 8,8% jetti. О́nerkásiptik obektilerdi, avtokólik joldaryn, gaz qubyrlaryn salý jumystary, sondaı-aq iri zaýyttardaǵy qurylys-montaj jumystary ulǵaıdy.
Aýyl sharýashylyǵynda turaqty ósim baıqalady. О́ndiris kólemi 3,7% artty.
Qyzmet kórsetý salasynda jedeldeý baıqalady. Esepti kezeńde bul sala qańtar-sáýir aılaryndaǵy 4,2%-ǵa qaraǵanda 4,7%-ǵa ósti. Atalǵan sektordyń barlyq salalarynda dınamıkanyń jedeldegeni baıqalady. Qyzmetter segmentinde saýda eń joǵary ósimdi kórsetedi. Satylymdar kólemi 5 aıda 7,5%-ǵa ósti. Bul negizinen avtokólik quraldaryn, avto bólshekterdi jáne munaı ónimderin satý kóleminiń artýymen baılanysty. Kólik salasynda 5,3%-ǵa deıin jedeldeý belgilengen.
QR Ulttyq bankiniń tóraǵasy E. Dosaev osy jyldyń mamyr aıyndaǵy aılyq ınflıasııanyń 0,6% quraǵanyn atap ótti. Inflıasııa jyldyq kórsetkishte — 5,3%. Ulttyq banktiń boljamdaryna sáıkes, ınflıasııa 2019–2020 jyldarǵa belgilengen 4-6% naqtylanǵan maqsatty dáliz sheginde saqtalady. Teńgeniń aıyrbas baǵamy 2018 jyldyń sońyndaǵy deńgeıde saqtaldy.
