IIDM derekteri boıynsha, jyl basynan beri ónerkásiptik ónim kólemi 102% qurady, onyń ishinde taý-ken óndirisi — 100,7%, óńdeý ónerkásibi — 103,6%. Taý-ken óndirisi salasynda tústi kenderdi óndirý kólemi 15,7%-ǵa artty, temir kenin óndirý kólemi 98% qurady. Jalpy, temir kenin óndirý kólemi boıynsha dınamıka artyp keledi jáne jyl sońyna qaraı 44,7 mln tonnany quraıtyn bolady.
R. Sklıar baıandaǵandaı, kómir men lıgnıt óndirý kólemi 95,8% qurady. Negizgi kómir óndiretin kásiporyndarda kómir óndirýdiń tómendeýi elektr stansııalarynyń kómir ónimderin tutynýynyń azaıýymen baılanysty. Degenmen, búgingi kúni kómir eksporty boıynsha oń dınamıka baıqalyp otyr, ósim 105,6% nemese 11,3 mln tonnany qurady.
О́ńdeý ónerkásibinde jeńil ónerkásipte 23%-ǵa, mashınajasaýda — 16%-ǵa, farmasevtıka ónerkásibinde — 11,6%-ǵa, daıyn metall buıymdar salasynda — 9,2%-ǵa, qurylys materıaldarynda — 3,4%-ǵa ósim baıqalyp otyr.
Kólik kesheni boıynsha 2019 jylǵy qańtar-mamyr aılarynda naqty kólem ındeksi 105,3% qurady. Jalpy, barlyq kólik túrleriniń júk tasymaldaý kóleminiń ósimi 3,7% boldy. О́tken jyldyń sáıkes kezeńimen salystyrǵanda Qazaqstan arqyly ótetin konteınerlik tasymaldar 47%-ǵa ósip, 240 myń JFE qurady.
Qurylys boıynsha naqty kólem ındeksi qańtar–mamyrda 108,8% qurady. 15 óńirde oń qarqyn baıqalady. Turǵyn úı qurylysy boıynsha 5 aıdyń qorytyndysy boıynsha 4,6 mln sharshy metr turǵyn úı paıdalanýǵa berildi, bul 2018 jyldyń sáıkes kezeńimen salystyrǵanda 100,1% quraıdy.
«Respýblıka boıynsha jalpy 40 546 turǵyn úı berildi. О́tken jylmen salystyrǵanda turǵyn úıdi paıdalanýǵa berý kóleminiń artýy respýblıkanyń 15 óńirinde jalǵasýda. Jyldyq josparǵa qol jetkizý boıynsha qabyldanǵan mindettemelerdi oryndaý úshin oblystardyń ákimdikterine ózderiniń jumysyn jandandyrý qajet», — dedi R. Sklıar.
