Qoǵam • 11 Maýsym, 2019

Baspana baǵasy qymbattady

359 retkórsetildi

2019 jyly Qazaqstanda baspanalardyń ortasha baǵasy ósti. Sáýir-mamyr aılarynda 13 aımaqta baǵa oń dınamıka kórsetti. Onyń ishinde keıbir kórsetkishter sońǵy 2-3 jyldyń aralyǵynda rekordqa jetken. Bul týraly Krisha.kz saıty habarlady.

Indekstiń aıtarlyqtaı ósýi Shymkent qalasynda baıqaldy, bul qalada 1 sharshy metrdiń baǵasy 4,1% ósip, ár sharshy metr 212 myńnan 220,8 myń teńgege deıin kóterilgen.  Mamyr aıynyń sońynda jáne maýsymnyń basynda bir sharshy metriniń baǵasy orta eseppen 282 314 teńgege jetti.

Almatyda baǵa ındeksi qańtar aıynda sońǵy eki jarym jyldaǵy kórsetkishti jańartty: bir sharshy metr 373,5 teńgege baǵalanyp tur (+10 250 teńge), ıaǵnı jeltoqsan aıyna qaraǵanda 2,8% ósken.

Aldyńǵy kórsetkishtermen salystyrǵanda bul jańa baǵalar aıtarlyqtaı qymbattaý bolyp sanalady. Baǵasy túsken jalǵyz qala - Aqtaý. О́ńirde páter quny 5,2% arzandapty. Qazirgi ýaqytta sharshy metri 196 myń teńge. Oǵan qosa Aqtaý eń qymbat bes qala qatarynan shyǵyp, altynshy orynǵa tústi.

Salystyrmaly  túrde aıtsaq, bul baǵa sáýirdegi kórsetkishten 0,8%-ǵa joǵary.

Ulttyq ekonomıka mınıstrliginiń Statıstıka komıtetiniń málimetinshe, baspana baǵasy 2018 jyldyń jeltoqsanymen salystyrǵanda 2,4%-ǵa, byltyrǵy qańtar-mamyr aılarymen salystyrǵanda 3,1%-ǵa qymbattaǵan. Buryn salynǵan, qaıta satylatyn páterdiń 1 sharshy metriniń mamyr aıyndaǵy ortasha baǵasy – 192 201 teńge.

Bul kórsetkish byltyrmen salystyrǵanda 1,9%, 2019 jyldyń qańtar-mamyr aılarynda byltyrǵy jyldyń osy kezeńimen salystyrǵanda 2,7% ósken.

Abattandyrylǵan turǵyn úıdi jalǵa alý aqysy 3,8%-ǵa qymbattady. Jańa turǵyn úıdiń bir sharshy metri ortasha 253 myń 242 teńgeden satyldy. Al qaıta satylǵan abattandyrylǵan turǵyn úıdiń sharshy metri  185 myń 664 teńgege, abattandyrylmaǵandary 114 myń 496 teńgege baǵalanǵan. Abattandyrylǵan turǵyn úıdiń ár sharshy metri 1 myń 329 teńgeden jaldanǵan.    

Jaldamaly  baspana baǵasynda da ózgeris bar. 2019 jyldyń mamyr  aıynda jaldamaly páterdiń quny 1 sharshy metr úshin 1,4 myń teńgeni qurady. Bul ótken jyldyń jeltoqsan aıyndaǵy kórsetkishpen salystyrǵanda 1,5% joǵary.   Túrkistan men Taldyqorǵanda jaldamaly baspana bir aı ishinde sáıkesinshe 15% (1 sh.m. úshin 1,7 myń teńgege deıin) jáne 5,3% (1 sh.m. úshin 1,2 myń teńgege deıin)qymbattaǵan. Sonymen qatar, Tarazdaǵy jaldamaly páterder 2,8%, Astanada - 2%, Aqtóbede - 1,2% jáne Oralda - 1,1% qymbattady. Basqa óńirlerde qańtar aıynda baǵa ózgere qoıǵan joq.

Áıtkenmen, jańa páterdiń 1 sh.m úshin satý baǵasy 0,6% qymbattap, 277,4 myń teńgeni qurasa, qaıta satý baǵasy 0,3% joǵarylap, 189,1 myń teńgeni qurady. 
Jańadan salynǵan páterler kóbine Oralda (6%, 1 sh.m. úshin 156,2 myń teńgege deıin), Almatyda (1,6%, 1 sh.m. úshin 332,5 myń teńgege deıin), Kókshetaýda (0,9%, 1 sh.m. úshin 194,1 myń teńgege deıin) jáne Shymkentte (0,4%, 1 sh.m. úshin 318,7 myń teńgege deıin) qymbattaǵan.

ALMATY

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Uqsas jańalyqtar