Memorandýmǵa sáıkes taraptar aldyńǵy qatarly ádistemeler men «noý-haý» almasýdy qosa alǵanda, kómirsýtekterdi barlaý jáne óndirý salasyndaǵy tehnologııalyq yntymaqtastyq, barlaý jáne óndirý salasyndaǵy birlesken jobalardy damytý úshin múmkindikterdi zertteý, QMG kompanııalar tobynyń qyzmetkerleri úshin oqytý baǵdarlamalaryn iske asyrý baǵyttary boıynsha seriktestik ornatý jóninde kelisti.
«QMG» men Enı uńǵymalardy burǵylaý jáne aıdaý, qabattardy keshendi modeldeý, kenniń qalǵan áleýetin zertteý, óndirýdi arttyrý ádisteri jáne t.b. qatysty máseleler boıynsha bilim men tájirıbe almasýǵa baǵyttalǵan turaqty keńester ótkizýdi josparlap otyr.
- Biz qos kompanııanyń arasyndaǵy uzaq merzimdi áriptestikti nyǵaıtýdy jalǵastyrýdamyz. Búgingi memorandým sonyń taǵy bir dáleli bolyp tabylady. Kompanııalardyń tabysty ózara yntymaqtastyǵy óndirispen qatar bilim berý salasyn da qamtıtyn bolady, dep atap ótti QMG Basqarma tóraǵasy Alık Aıdarbaev.
- Búgingi kezdesýde «QazMunaıGaz» ben Enı-diń ortaq jobalary, áriptestigimizdiń keleshegi talqylandy. Qos kompanııa birlesken qyzmetti ózara yntymaqtastyqtyń jańa sapaly deńgeıine shyǵarýǵa nıet bildirdi, dedi «Enı Spa» kompanııasynyń barlaý jáne óndirý jónindegi bas dırektory Antonıo Vella.
Mańǵystaý oblysy
