S.Gromov saılaýdy baıqaý barysynda shet memleketterdiń, halyqaralyq uıymdar men buqaralyq aqparat quraldary ókilderiniń róli óte joǵary ekenin atap ótti. «Bul saıası oqıǵanyń barynsha kóp sheteldik baıqaýshynyń qatysýymen ótkeni biz úshin mańyzdy boldy», - dedi Tóraǵa orynbasary.
P.Kabare táýelsiz Qazaqstannyń qalyptasýy, Qazaqstan men Fransııa arasyndaǵy dostyq qatynastardy damytýǵa Elbasy N.Nazarbaevtyń qosqan úlesin joǵary baǵalady. «Saılaý ýchaskelerinde bolǵan kezde biz saılaý ashyq ári tynysh jaǵdaıda ótkenine kýá boldyq», - dedi halyqaralyq baıqaýshy. Ol Qazaqstanda syrtqy saıası baǵyttyń sabaqtastyǵy saqtalyp, Qazaqstannyń Tuńǵysh Prezıdenti bastaǵan barlyq reformalar jalǵasatynyna senim bildirdi.
Taraptar eki eldiń parlamentaralyq ózara is-qımylynyń, saýda-ekonomıkalyq jáne mádenı-gýmanıtarlyq áriptestiginiń ózekti máselelerin talqylady. P.Kabare qazirgi kezde qazaqstandyq ushqyshtardy Týlýzanyń azamattyq avıasııa ýnıversıtetinde oqytý máselesi sheshilip jatqanyn habarlady.
