Rýhanııat • 11 Maýsym, 2019

«Qazaqfılm» Amerıkamen birlesip teleserıal túsiredi

200 retkórsetildi

«Qazaqfılm» kınostýdııasy AQSh-tyń beldi kınokompanııasymen birlesip «Jol joq» – «No Exit» jobasy boıynsha televızııalyq serıal túsirýdi qolǵa alǵaly otyr. Ilgerirekte osy attas «Jol joq» kórkemfılmi fentezı-horror janrynda túsirilgen bolatyn. Bul kartınany túrli ult ókilderinen quralǵan prodıýserler jaryqqa shyǵardy, atap aıtsaq, amerıkandyq Sara Lýız Ýılson, halyqaralyq kásipqoı maman Darıo Kırola, sondaı-aq otandyq kınoger Aıgúl Sydyqova jumys istedi. Jobada Sara Ýılson rejısser ári ssenarıı avtory bolsa, otandasymyz A.Sydyqova fılmde basty keıipkerdiń rólinde oınady. Fılmdi qazaqstandyq ActionLab atty táýelsiz art-stýdııasy jáne lıvandyq Littletree Films atty táýelsiz kompanııalary birlesip túsirgen.

Bul fılm jaqynda ǵana Kalıfornııadada ótken Mammoth Lakes Film  Festival  festıvalinde úsh birdeı júldege ıe boldy: «Kórermender kózaıymy» júldesi, «Úzdik sheteldik fılm» qurmetti syılyǵy jáne Panavision Award júldesi. Kınotýyndy Danııar esimdi jas jigittiń ómiri týraly baıandaıdy. Kóp jyldar ótken soń týǵan qalasyna oralǵan jigit burynǵy jergilikti  turǵyndardyń ájeptáýir ózgergenin baıqaıdy.

Sara Lýız Ýılson amerıkandyq ssenarıst, rejısser ári prodıýser. Sondaı-aq ol birneshe fılmderge túsken. Mysaly, «Djellı» atty romantıkalyq komedııada ol basty róldi somdaǵan (Natasha Lıonn jáne Ed  Makmahonmen birge). Ýılson bul fılmniń ssenarııin de ózi jazǵan. Odan bólek ol biraz ýaqyt Qazaqstanda turyp, ActionLab art-stýdııasynda rejısserlik sheberlikten dáris bergen.

– «Jol joq» fılminde men kınoǵa alǵash qadam basqan jas qazaqstandyq akterlermen jumys istedim, olardyń bári de meniń stýdentterim, – deıdi Ýılson.

«Qazaqfılm» kınostýdııasy endi «Jol joq» fılminiń basty ıdeıasyn damyta otyryp, halyqaralyq tabysty jobaǵa aınaldyryp,  televızııalyq serıal túsirýdi kózdep otyr.


ALMATY



Sońǵy jańalyqtar

Otbasylyq janjal sýısıdke ulasqan

Aımaqtar • Búgin, 21:16

Qyzyljarda 75 kóshe jóndeledi

Aımaqtar • Búgin, 20:30

Nur-Sultanda «Jeńis baǵy» ashyldy

Aımaqtar • Búgin, 19:40

Halyqqa qolaıly jaǵdaı jasalýy tıis

Aımaqtar • Búgin, 19:06

Mektebimen túletken qoshtasady túlekter

Aımaqtar • Búgin, 18:40

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Uqsas jańalyqtar