Qol qoıylǵan qujatqa sáıkes, eki kompanııa yntymaqtastyqtyń negizgi sharttaryn kelisti jáne Kaspıı teńiziniń qazaqstandyq bóliginde ornalasqan «I-P-2» jobasyn birlesip iske asyrýǵa daıyn ekenderin bildirdi.
Qazaqstan Respýblıkasynyń zańnamasyna sáıkes, taraptar «I-P-2» teńiz ýchaskesinde jer qoınaýyn paıdalaný quqyǵyn alý maqsatynda Qazaqstan Respýblıkasynyń Energetıka mınıstrligimen kelissózderdiń kelesi kezeńin ótkizýdi josparlap otyr. Kelesi kezeń kómirsýtek shıkizatyn barlaý men óndirýge kelisimshart jasaý jáne ýchaskede jumys isteý úshin birlesken kásiporyn qurý bolady dep josparlanýda.
«I-P-2» lısenzııalyq blogy Kaspıı teńiziniń qazaqstandyq bóliginde ornalasqan. Blok mańyndaǵy sýdyń tereńdegi 300-den 400 metrge deıin, jaǵaǵa deıingi qashyqtyq – 130 shaqyrym. Blok mańynda ár jyldary 2D seısmıkalyq jumystar júrgizilgen edi.
- Seriktesterimiz – «LÝKOIL» kompanııasynyń Kaspıı teńiziniń qazaqstandyq bóligin ıgerýde «QazMunaıGaz» UK AQ-men yntymaqtastyqty keńeıtý týraly bastamasyn qup kóremiz. I-P-2 jobasy boıynsha Qaǵıdattar týraly kelisimge qol qoıylýy bizdiń ekijaqty seriktestik qarym-qatynasymyzdyń odan ári damýyna serpin beretinine senimdimin, dedi «QazMunaıGaz» UK AQ Basqarma tóraǵasy A.Aıdarbaev.
«QazMunaıGaz» UK AQ men «LÝKOIL» JAQ yntymaqtastyǵy strategııalyq bolyp tabylady. Kompanııalar Qarashyǵanaq, Teńiz, Qumkól iri jobalary, sondaı-aq Kaspıı qubyr konsorsıýmy munaı tasymaldaý jobasy boıynsha seriktestik ornatqan. 2019 jylǵy 1 sáýirde Qazaqstan Respýblıkasynyń Energetıka mınıstrligi, «QazMunaıGaz» UK AQ jáne «LÝKOIL» JAQ arasynda «Jeńis» teńiz ýchaskesinde kómirsýtekterdi barlaý men óndirýge kelisimshart jasaldy.
Mańǵystaý oblysy
