Syrtqy saıası vedomstvosynyń basshysy ótken saılaý Qazaqstan halqynyń halyqaralyq áriptester úshin ashyq progressıvti, demokratııalyq elde ómir súrý jáne eńbek etý erkininiń aıqyn kórinisi bolyp tabylatynyn atap ótti.
Brazılııa Prezıdentiniń Senattaǵy ókili bolyp tabylatyn F. de Assıs Rodrıges prezıdenttik saılaýdy joǵary uıymdastyrýshylyq deńgeıde ótkizýmen quttyqtap, ýchaskelerdegi daýys berý kezeńinde prosestiń transparenttiligin atap ótti. J. Vagner Qazaqstannyń Ortalyq saılaý komıssııasy júrgizgen jumysyna joǵary baǵa berdi. Onyń pikirinshe, ótken saılaý nátıjeleri Qazaqstannyń demokratııalyq damý baǵytyna berik ustanamyn kórsetedi.
Kezdesý barysynda taraptar Qazaqstan-Brazılııa ekijaqty qarym-qatynastarynyń ózekti máselelerin talqylap, olardyń parlamentaralyq quramdastaryna erekshe nazar aýdardy.
Brazılııa Senatyndaǵy Qazaqstanmen yntymaqtastyq jónindegi Parlamenttik toptyń jetekshisi F. de Assıs Rodrıges Qazaqstanmen birlese ekijaqty qarym-qatynastardy nyǵaıtýǵa, tájirıbe almasýǵa jáne mańyzdy halyqaralyq bastamalardy ilgeriletýge daıyn ekenin aıtty.
SIM basshysy parlamentaralyq dıplomatııadaǵy qarym-qatynastardy damytý turǵysynda mańyzdylyqty atap ótip, Brazılııa Latyn Amerıkasyndaǵy Qazaqstannyń basty saýda seriktesi ekenin eskere otyryp, brazılııalyq parlamentshilerdi saýda-ekonomıkalyq baılanystardy keńeıtýge belsendi túrde járdemdesýge shaqyrdy. «Qazatomónerkásip «UAK» AQ jáne «Embraer» sııaqty iri kompanııalardyń eki el naryqtaryndaǵy tabysty qyzmetin atap óte otyryp, Mınıstr «ótken jyly Qazaqstannyń Brazılııamen ekijaqty taýar aınalymy 150 mıllıon AQSh dollarynan asqanyn jáne bul kórsetkishtiń ósýi mańyzdy perspektıvaǵa ıe», - dep atap ótti.
