Suhbat • 11 Maýsym, 2019

Bakýde Halyqaralyq Túrki álemi zertteýleri sımpozıýmy ótedi

618 retkórsetildi

Maýsym aıynyń 13-15 kúnderi Ázerbaıjan astanasy Baký qalasynda Halyqaralyq Túrki álemi zertteýleri sımpozıýmy ótedi.

Altynshy ret uıymdastyrylatyn alqaly jıyn bul joly Baký Eýrazııa ýnıversıtetiniń muryndyq bolýymen ótpek. Dástúrli sharanyń resmı bólimi 13-maýsym kúni Baký qalasyndaǵy «Caspian Business Hotel» qonaq úıiniń konferens zalynda ashylady.

Qyzdar ýnıversıtetiniń Baspasóz jáne qoǵammen baılanys bóliminiń basshysy Jandar Asannyń aıtýynsha, basqosýǵa Túrkııa, Qazaqstan, Ázerbaıjan, Qyrǵyzstan, О́zbekstan, Tatarstan men Bashqurtstannan 400-ge jýyq ǵalym, memleket jáne qoǵam qaıratkeri qatysady. Onyń ishinde Qazaq ulttyq qyzdar pedagogıkalyq ýnıversıtetinen 30-dan astam ǵalym men qyzmetker bar.

– Álemdegi ǵylym, bilim salasynda túrki álemine qatysty zertteý jasap júrgen ǵalymdardyń basyn qosyp, ǵylymı baǵytta pikir almasýdy qamtamasyz etý, jańa ǵylymı zertteýlerge jol ashyp, túrki álemi ádebıeti men mádenıetiniń keńeıýine yqpal jasaý - Sımpozıýmnyń basty maqsaty, – dep atap ótti Jandar Asan.

Basqosýda ǵalymdar pedagogıka, til, ádebıet, tarıh, mádenıet, óner, halyqaralyq qatynastar, ekonomıka, fılosofııa, áleýmettaný, genderlik t.b. máseleler jaıynda jáne jaratylystaný ǵylymdary salasynda pikir almasyp, bolashaqta túrki áleminde ortaq ǵylymı jobalardy júzege asyrý týrasynda ýaǵdalaspaq. Sımpozıým túbi bir túrki halyqtarynyń ózara yntymaqtastyǵynyń nyǵaıýyn, álemde beıbitshilik pen tynyshtyqtyń qamtamasyz etilýin kózdeıdi.

Sımpozıým «Jahandyq básekege qabiletti fılolog maman daıarlaýdyń qazaqstandyq jáne álemdik tájirıbesi», «Rýhanı jańǵyrý: ádebıet arqyly ulttyq sanany kemeldendirý», «Jahandyq bilim berý júıesi: áleýmettik-gýmanıtarlyq pánderdi jańasha oqytý ádistemesi», «Latyn grafıkasy: tarıhy, teorııasy jáne oqytý ádistemesi», «Túrki qaýymy: tarıhy men mádenıeti», «Qazirgi zamandaǵy bilim berý úrdisiniń ulttyq jáne halyqaralyq damý tendensııasy» jáne «Túrki tildes memleketterdegi genderlik bilim berýdiń ózekti máseleleri» baǵyttary boıynsha ótkizilmek. Sımpozıýmnyń resmı tilderi – túrki tilderi.

Aıta keteıik, Túrkııanyń Nııde О́mer Halısdemır ýnıversıteti, Qazaq ulttyq qyzdar pedagogıkalyq ýnıversıteti, Baký Eýrazııa ýnıversıteti jáne M. Akmýlla Bashqurt memlekettik pedagogıkalyq ýnıversıtetiniń uıytqy bolýymen Halyqaralyq túrki álemi zertteýleri sımpozıýmy alǵash ret Túrkııanyń О́mer Halısdemır ýnıversıtetinde 2014 jyldyń 18-21 naýryz kúnderi aralyǵynda ótken bolatyn. Sonymen qatar, shara aıasynda atalǵan joǵary oqý oryndarynyń stýdentteriniń qatysýymen «Túbimiz bir Túrikpiz» festıvali da turaqty túrde uıymdastyrylyp keledi.


Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar