Eń bastysy osy emes pe?!

Nesin jasyraıyq, Q.Toqaev­tyń halyq qoshemeti men qol­daýyna ıe bolyp, barynsha kóp daýys jınaıtynyna esh­qan­daı kúmánimiz bolǵan joq. Pre­zı­denttike kandıdat Qasym-Jo­mart Toqaevtyń senim bil­diril­gen adamy, Túrkistan qalalyq qo­ǵam­dyq shtabynyń múshesi, kıe­li shahardyń turǵyny retin­de qala halqymen, mádenıet jáne óner qyzmetkerlerimen, temir­jol­shylarmen, baılanys jáne avtobeket qyzmetkerlerimen, gýmanıtarlyq-tehnıkalyq jáne «Bolashaq» kolledjderiniń bilimgerlerimen, basqa da ujym­dar qyzmetshilerimen kezdesý­ler ótkizip, sóz sóıledik. Osyn­­daı jyly shyraıly bas­qosýlarda aǵynan jaryla oı-pikirlerin ortaǵa salǵan jandar kóp bol­dy. Olardyń barlyǵy da pre­zı­denttikten úmitker Qasym-Jomart Toqaevqa biraýyzdan daýys beretindikterin rııasyz aq kóńilmen aıtqan bolatyn. Qara­paıym eńbek adamdarynyń qashanda ýádege berik ekendigi, eki sóılemeıtindikteri bul joly da aıqyn dáleldendi.

Qasym-Jomart Toqaev saı­­laý­aldy platformasynda «Sabaqtastyq. Ádildik. О́rleý» qaǵıdalaryn ustandy.  Osy turǵydan kelgende, prezı­dent­tikke saılanǵan onyń Túr­ki­stanǵa aıryqsha nazar aýdaryp otyrǵany anyq. Memle­ket basshysy retinde alǵashqy jumys saparyn kıeli mekennen bastaýynyń ózi kóp jaıdy ań­ǵar­t­sa kerek. Bul saparynda Qasym-Jomart Kemeluly júr­gizilip jatqan qurylystardy jiti baqylap, naqty tapsyrmalar berdi. Aldaǵy ýaqytta Túrkistanǵa qatysty nazaryn bir sát te báseńdetpeıtinin qadap turyp aıtty.

Saılaý kúni ózimiz qyzmet etetin Qoja Ahmet Iаsaýı atyn­daǵy Halyqaralyq qazaq-túrik ýnı­versıtetiniń Mádenıet orta­lyǵyndaǵy ǵımaratta №133 saılaý ýchaskesine daýys berýge kelgenimizde, top-tobymen kezekte turǵan stýdentterimizdiń kóterińki kóńil kúılerin kórip, ishteı shattandyq. Al Memleket bas­shysy Qasym-Jomart Kemel­uly ótken joly ýnıversıtette bolǵan kezinde jyly lebizin bil­dirip, oqý ornynyń már­tebe­sin bıikke kóterýge qam­qor­lyq jasaıtynyn aıtqan edi. Osy­laısha, professorlyq-oqytý­shylar quramy men ýnıversıtet basshylyǵynyń jáne stýdent­terdiń kóńilderin bir kóterip tastaǵan bolatyn.

Elimizdegi jáne shetelderdegi buqaralyq aqparat quraldary saılaýdyń ádil, ashyq ári taza ótkendigin jarııa etýde. Sheteldik baıqaýshylar da saılaýǵa joǵary baǵa berip jatyr.

Halqymyz bolashaǵymyzdyń jarqyn bolatynyna kámil se­nedi. Eń bastysy da, bizge kere­gi de osy emes pe?!

Seıdýlla SADYQOV,

Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń professory, fılologııa ǵylymdarynyń doktory

TÚRKISTAN