Rásim barysynda Soltústik Qazaqstan oblysynyń ákimi Qumar Aqsaqalov pen «YDA Holding» kompanııasynyń basqarma tóraǵasy Arslan Hýseın Petropavlda kópsalaly aýrýhana salý jónindegi memorandýmǵa qol qoıdy. Sheteldik áriptesterdi Qazaqstandaǵy ınvestısııalyq ahýaldyń qolaılyǵy tolyq qanaǵattandyryp otyr.
«Investor óz qarjysyna bıyl zamanaýı kópsalaly aýrýhananyń qurylysyn bastaıdy. Biz osy jobany júzege asyrý úshin bir jyl boıy kelissózder júrgizdik. Turǵyndar úshin mańyzdy áleýmettik joba sanalady. Aýrýhananyń ashylýy sapaly medısınalyq qyzmetterdi kórsetip, úzdik tehnologııalardy engizýge múmkindik bermek. Munda tájirıbeli dárigerler zamanaýı medısınalyq qondyrǵylarda jumys jasaıtyn bolady. Oǵan qosa aýrýhana kesheni elimizdiń óńirleri men kórshiles Reseı oblystarynyń turǵyndary úshin de qyzmet kórsetetin bolady. Osylaısha biz medısınalyq týrızmdi dedamytamyz», deıdi Qumar Irgebaıuly.
Túrik ınvestory aýrýhanany turǵyzyp, basqaratyn bolady. «YDA Holding» bul baǵytta baı tájirıbege ıe, menedjmenttiń zamanaýı standarttaryn tereń ıgergen. Sondaı-aq óńir dárigerlerin oqytyp, tájirıbe almasý úshin sheteldik mamandardy tartpaq.
Kópsalaly aýrýhana «Shyǵys» shaǵyn aýdanynda salynady. Keshenniń aýmaǵynda dárigerlerge arnalǵan baspana turǵyzylady.
Soltústik Qazaqstan oblysy
