Rýhanııat • 12 Maýsym, 2019

Almatyda sýretshi Marıs Hıtahýnovtyń kórmesi ótýde

250 retkórsetildi

Qazaqstan Respýblıkasynyń Memlekettik ortalyq mýzeıi «Alamát» prodıýserlik ortalyǵy jáne «Shábnám» uıǵyr kreatıvti qyzdar klýbymen birlesip belgili uıǵyr sýretshisi, eńbek sińirgen óner qaıratkeri, KSRO Sýretshiler odaǵynyń múshesi, Qazaqstan Sýretshiler odaǵynyń basqarma múshesi, pedagog Marıs Hıtahýnovtyń 80 jyldyǵyna arnalǵan respýblıkalyq festıval uıymdastyryp, «Jer-Ana qushaǵynda» atty kórkem shyǵarmalardyń memorıaldyq kórmesin ashty.

QR Ortalyq mýzeıi kelýshiler nazaryna alǵash ret M. Hıtahýnovtyń (1939-1994 jj.) shyǵarmashylyǵyn usynyp otyr. Bala kezinen sýret salýmen aınalysqan Marıs «Júgeri jınaý naýqanyndaǵy ata-analarymyzǵa kórsetken kómegimiz!» uranymen 14-15 jasynda oryndaǵan plakatynyń eskızi aýdan boıynsha I oryndy, sál keıinirek respýblıkalyq  «Drýjnye rebıata» gazeti jarııalaǵan sýretter baıqaýynda II oryndy («Kolhozǵa kómek») ıelenip, bolashaqta óziniń sýretshi bolatynyn nyq aıqyndaıdy. Budan keıin ol N.Krýpskaıa  atyndaǵy Búkilodaqtyq Halyqaralyq ýnıversıtette syrttaı bilim aldy.  Eńbek jolyn Ahtam aýylyndaǵy mekteptiń sýret jáne dene shynyqtyrý pániniń muǵalimi bolyp bastaǵan M. Hıtahýnov, sońyra Gogol atyndaǵy Almaty kórkemsýret ýchılıshesin jáne A. Ostrovskıı atyndaǵy Tashkent Teatr-sýret ınstıtýtyn támamdaıdy. Uzaq jyldar boıy N. Gogol atyndaǵy Almaty kórkemsýret ýchılıshesi, Almaty Sáýlet-qurylys ınstıtýty, O.Tańsyqbaev atyndaǵy Almaty sýret ýchılıshelerinde qyzmet atqardy. M.Hıtahýnov Qazaqstan Sýretshiler odaǵy Basqarmasynyń, Qazaqstan Mádenıet mınıstrliginiń beıneleý óneri jónindegi saraptamalyq komıssııasynyń, Qazaqstan Bilim jáne ǵylym mınıstrliginiń «Respýblıkalyq estetıkalyq tárbıe baǵdarlamasyn» oryndaý jónindegi ǵylymı-zertteý keńesiniń múshesi, Qytaı – Qazaqstan dostyq qoǵamynyń múshesi boldy.

Sheber shyǵarmashylyǵynda keskindememen qatar ádebı qyzmet te mańyzdy oryn alady. Marıs – «Arman álemi», «Ýmýt ýchkýnlırı», «Proshaı, leto», «Beıneleý óneriniń negizderi» qoljazbasy, merzimdi baspasózde jáne «Uıǵyr tili jáne oqý» oqýlyq quralynda jarııalanǵan áńgime, túrli baǵdarlamalar men derekti fılmderdiń avtory. Beıneleý ónerine arnalǵan orys tilindegi baǵdarlamanyń uıǵyr tilindegi shyǵarylymynyń aýdarmashysy, ol uıǵyr jazýshylary men balalar kitaptarynyń ıllıýstratory retinde de tanymal.

M. Hıtahýnov – respýblıkalyq, búkilodaqtyq, halyqaralyq kórmelerdiń qatysýshysy. Sýretshiniń birqatar shyǵarmalary Qazaqstan, Reseı, Túrkııa jáne t. b. elderdiń mýzeılerinde, jeke kolleksııalarda saqtaýly tur.  

Marıs Hıtahýnovtyń ómiri jáne shyǵarmashylyq jolyn tolǵaǵan «Jer-Ana qushaǵynda» kórmesi sýretshiniń qyzy Mýhabbat Hıtahýnovanyń shyǵarmalarymen, sondaı-aq uıǵyr sýretshileri jańa býyn ókilderiniń jumystarymen de tanystyrdy. Sýretshi-keskindemeshi, pedagog, Prezıdenttik stıpendııanyń eki márte ıegeri Mýhabbat Hıtahýnova  búginge  deıin 200-den astam halyqaralyq jáne respýblıkalyq kórmelerge qatysqan.   

Festıval aıasynda uıǵyr ulttyq mýzykasynan konsert uıymdastyrylyp, kórmege qatysqan jas býyn sýretshiler marapattaldy. Is-sharaǵa uıǵyr tilinde bilim beretin mektep-gımnazııanyń oqýshylary da tartylyp, olardyń arasynda ótken «Meniń balalyq shaǵymnyń álemi» saıysy negizinde 6-9 jastaǵy balalar asfaltta sýret salyp, ózara jarysqa tústi.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar