Álem jańalyqtary
Sársenbi, 20 naýryz 2013 1:45
Sharaına
О́tpeli úkimet basshysy saılandy
Ystambulda Sırııalyq oppozısııalyq ulttyq koalısııa ótpeli úkimettiń premer-mınıstrin saılady. Ol qyzmetke 49 daýystan 35 daýys alǵan ıslamdyq belsendi Hasan Hıtto saılandy.
Hıtto birneshe ondaǵan jyldardan beri ózi bilim alǵan AQSh-ta turady.
Sársenbi, 20 naýryz 2013 1:45
Sharaına
О́tpeli úkimet basshysy saılandy
Ystambulda Sırııalyq oppozısııalyq ulttyq koalısııa ótpeli úkimettiń premer-mınıstrin saılady. Ol qyzmetke 49 daýystan 35 daýys alǵan ıslamdyq belsendi Hasan Hıtto saılandy.
Hıtto birneshe ondaǵan jyldardan beri ózi bilim alǵan AQSh-ta turady. 2012 jyldyń qarashasynda ol oppozısııa baqylaýyndaǵy aýmaqtardaǵy turǵyndarǵa gýmanıtarlyq kómek kórsetý úshin Tehastan Túrkııaǵa kelgen bolatyn. Hıtto oppozısııa ıgiligi úshin qoǵamdyq jumystarmen belsendi aınalysady. Ol AQSh-ta Asad rejimine qarsylastardy qoldaý tobyn uıymdastyrdy, dep atap kórsetken Sırııa ulttyq keńesiniń ókili Mahmýd ál-Hamza.
«Fýkýsıma» qyza bastady
Japonııanyń «Fýkýsıma-1» atom elektr stansasynyń úsh energoblogynda bir mezgilde elektrmen jabdyqtaýda problemalar paıda boldy. Qýat kózinen ajyratý ıadrolyq otynnyń qaldyǵyna arnalǵan basseındi sýytý júıesiniń toqtap qalýyna aparyp soqtyrǵan.
«Fýkýsıma-1» stansasynda jumys isteıtin ınjenerlerdiń oryn alǵan aqaýdy qalpyna keltirýge dál tórt kún ýaqyttary bar. Osy merzim ótkennen keıin eń ystyq basseındegi temperatýra qaýipti shekke jetip, ahýal barynsha shıelenise túsedi. Ázirge, mamandardyń málimetteri boıynsha, +30,5 gradýs temperatýra tirkelgen, al qaýipti mólsher +65 gradýs bolyp tabylady. Aldyn ala jasalǵan boljam boıynsha, aqaýǵa AES-tiń qýat taratý qurylǵysynda oryn alǵan apat sebep bolǵan.
Qaza tapqandar sany óse túsýde
Iraktyń astanasy Baǵdadta seısenbi kúni bolǵan jarylystar men sodyrlar shabýyly saldarynan qaza tapqandar sany elý alty adamǵa jetip, eki júz adam dene jaraqattaryn alǵan.
Buǵan deıin avtomobılge salynǵan jarylǵysh zattyń jarylýy saldarynan jáne eldiń shııtter turatyn aýdanyna jasalǵan shabýyldan Baǵdadta jıyrma eki adam qaza taýyp, elýden astam adam zardap shekti, dep habarlanǵan bolatyn. Sońǵy birneshe saǵattarda sodyrlar taǵy da birneshe shabýyldar jasap, onyń sońy jańa qurbandyqtarǵa soqtyrǵan. Ázirge jasalǵan teraktiler úshin jaýapkershilikti eshkim óz moıyndaryna almaı otyr.
Kaprıles Kýbaǵa munaı berýden bas tartpaq
Venesýela prezıdenttigine oppozısııadan kandıdat Enrıke Kaprıles eger ózi prezıdent laýazymyna saılanar bolsa, Kýbaǵa munaı jetkizip berýdi toqtatatynyn málimdedi.
Kýbaǵa munaıdy jeńildikti baǵamen satý Venesýelaǵa eshqandaı paıda ákelmeıdi. Eger men prezıdent bolyp saılana qalsam Kastro úkimeti bizden bir tamshy da munaı almaıtyn bolady, dep atap kórsetken ol. Aıta ketý kerek, Ýgo Chaves úkimeti Kýbaǵa munaıdy jeńildikti baǵamen jetkizip kelgen bolatyn, al Chavestiń izbasary Nıkolas Madýro buǵan deıin óziniń osy saıasatty odan ári jalǵastyratynyn habarlaǵan. Eldegi prezıdent saılaýy 2013 jyldyń 14 sáýirinde ótedi.
Qytaı Ulybrıtanııany basyp ozdy
Qytaı Ulybrıtanııany basyp ozyp, álemdik arenada qarý-jaraq pen áskerı tehnıkany jetkizip berýde besinshi elge aınaldy. Qytaı eksportynyń artýy sońǵy jıyrma jylda alǵash ret oryn alyp otyr.
Búginde Aspan asty eliniń úlesine rynoktyń tek 5 paıyzy ǵana tıedi, al lıderler sanalatyn AQSh pen Reseı reıtingi tıisinshe 36 jáne 26 paıyzdan. Sonymen birge 2008 jyl men 2012 jyl aralyǵynda Qytaı eksporty buǵan deıingi besjyldyqtyń kórsetkishimen salystyrǵanda 162 paıyzǵa ósti. Stokgolm álemdik problemalardy zertteý ınstıtýtynyń zertteýi boıynsha, Qytaı tehnıkasy men qarý-jaraǵyn satyp alýshy negizgi el Pákstan bolyp otyr.
KJP túrik armııasymen bitimge kelmek
Túrkııadaǵy neǵurlym yqpaldy kýrd partııasy bolyp tabylatyn Túrkııanyń Beıbitshilik pen demokratııa partııasynyń delegasııasy ótken dúısenbi kúni Kýrd jumysshy partııasynyń tutqyndaǵy kósemi Abdýlla Odjalanmen kelissózder júrgizgen.
Odjalan ústimizdegi jyldyń 21 naýryzynda Kýrd jumysshy partııasynyń úkimet áskerimen arada resmı túrde bitim jarııalaıtynyn málimdegen. Aıta ketý kerek, KJP 1979 jyly qurylǵan. Ol qarýly jolmen Túrkııa men Iraktyń shekarasyndaǵy kýrdter jınaqy ornalasqan aýdanynda táýelsiz memleket qurýǵa umtylady. Qazirgi ýaqytta osy uıymnyń negizinen Irakta turatyn qarýlanǵan músheleri Túrkııa aýmaǵyna ótip terrorlyq aktiler uıymdastyryp turady.
QHR tóraǵasy alǵashqy saparyn Reseıge jasamaq
Qytaı Halyq Respýblıkasynyń tóraǵasy Sı Szınpın óziniń alǵashqy resmı saparyn Reseıge jasamaq.
QHR tóraǵalyǵyna saılanǵannan keıin óziniń alǵashqy sheteldik saparyn Reseıge jasaýy Reseı-Qytaı qarym-qatynastarynyń aıryqsha sıpatyn bildiredi. Ony Qytaı men Reseı basshylarynyń joǵary nazar aýdarýy da kórsetip otyr, dep atap kórsetken baspasóz máslıhatynda QHR syrtqy ister mınıstriniń orynbasary Chen Gopın. Sapar baǵdarlamasy óte tyǵyz. QHR tóraǵasynyń qatysýymen jıyrmaǵa jýyq is – shara ótip, ol tańerteńnen keshke deıin jalǵaspaq. Sóz oraıynda QHR tóraǵasynyń Reseıge saparynyń 22-24 naýryzǵa josparlanyp otyrǵanyn da aıta ketý kerek.
23 jyldan soń ashylǵan qylmys
Federaldyq tergeý bıýrosynyń qyzmetkerleri 1990 jyly Bostondaǵy jeke menshik kórkemsýret galereıasyn tonap ketken qylmyskerlerdiń yqtımal degen izine túsken.
1990 jyldyń 18 naýryzynda polıseı kıimin kıgen eki er adam Izabella Stıýart Gardnerdiń mýzeıine kirip álemge tanymal sýretshiler – Klod Moneniń, Rembrandtyń, Iаn Vermeerdiń, Edgar Deganyń on úsh polotnosyn urlap ketken. Osylaısha. BAQ-tyń málimdeýinshe, qylmyskerler galereıaǵa 500 mıllıon dollar shyǵyn keltirgen. FTB qyzmetkerleri tonaýshylar esimderiniń kim ekenin anyqtaǵan. Biraq ázirge urlanǵan kartınalardyń qaıda jasyrylǵany belgisiz bolyp otyr.
Internet materıaldary negizinde ázirlendi.
