«Jaýyngerlik óristetý», «Tabıǵı orta jaǵdaıyndaǵy izdeý-qutqarý jumystary» jáne basqa da synaqtar boıynsha tamasha óner kórsetken Qaraǵandydaǵy A.Baıtursynov atyndaǵy №41 mektep-gımnazııasynyń «Jalyn» komandasy jarys qorytyndysynda jeńiske jetti.
Jezqazǵan qalasynan kelgen balǵyn qutqarýshylar ujymy ekinshi oryn alsa, Osakarov aýdanynyń komandasy júldeli úshinshi oryndy qanaǵat etti.
Saıys jeńimpazdary men júldegerlerin marapattaý barysynda Qaraǵandy oblysy boıynsha TJD bastyǵy Ybrahym Kúlshimbaev balǵyn qutqarýshylardyń jeńiske degen qulshynysy men uıymshyldyǵyn atap ótti. «Osy jarysta úırengen barlyq daǵdylary keleshekte olarǵa kerek bolady», dedi oblystyń bas qutqarýshysy.
