Eline adal qyzmet etýge ant berdi

MENAFN

Qazaqstan Prezıdenti Qasym-Jo­mart Toqaevty ulyqtaý rásimi uıym­dastyryldy. Is-shara el astana­syndaǵy Táýelsizdik saraıynda ótti.

Rásim barysynda jańa saılanǵan Prezıdent memlekettik tilde ant berdi. Osydan bastap Prezıdent resmı túrde qyzmetine kirisedi.

Esterińizge sala keteıik, 9 maýsymda Qazaqstanda Prezıdent saılaýy ótken bolatyn. Daýys berý nátıjesi boıynsha Qasym-Jomart Toqaev 70 paıyzdan astam basymdyqpen jeńiske jetti.

Aıta keterligi, táýelsiz Qazaqstan tarıhynda alǵash ret Tuńǵysh Prezıdent Nursultan Nazarbaev saılaýǵa qatysqan joq.

Ulyqtaý rásiminde sóz sóılegen Q.Toqaev aldaǵy 1 qyrkúıekten bastap eldegi jemqorlyqty joıatyn qujat ázirlenetinin jetkizdi.

NASTOIаShEE VREMIа

Qazaqstan astanasynda Qasym-Jomart Toqaevty ulyqtaý rásimi ótti. Ol resmı túrde 5 jylǵa el Prezıdenti bolyp saılandy. Ol qazaq tilinde ant berdi.

Qazaqstan Prezıdenti Qasym-Jomart Toqaev Konstıtýsııaǵa qolyn qoıyp turyp: «Qazaqstan halqyna adal qyzmet etýge, Qazaqstan Res­pýblıkasynyń Konstıtýsııasy men zańdaryn qatań saqtaýǵa, azamattar­dyń quqyqtary men bostandyq­tary­na kepildik berýge, Qazaqstan Res­pýblıkasy Prezıdentiniń ózime júk­telgen mártebeli mindetin adal atqarýǵa saltanatty túrde ant etemin», dep ant qabyldady.

Ulyqtaý rásimi saılaý nátıjesi jarııalanǵannan keıin eki kúnnen soń ótip otyr. 9 maýsymda Qazaqstanda Prezıdent saılaýy ótip, Qasym-Jomart Toqaev 70 paıyzdan astam basymdyqpen jeńiske jetti.

FOX NEWS

Qazaqstannyń ja­­ńadan saılanǵan Prezıdenti Qasym-Jomart Toqaevty ulyqtaý saltanaty ótti. О́z sózinde jańa Prezıdent bú­ginge deıin eldi basqaryp kelgen Nur­sultan Nazarbaevtyń saıasatyn jalǵas­tyratynyn aıtty. 

Qasym-Jomart Toqaev 9 maýsym kúni prezıdenttik saılaýda 70 paıyzdan astam daýyspen jeńiske jetken edi. Naýryz aıynda Nursultan Nazarbaev prezıdenttik ókilettigin toqtatqannan keıin sol kezde Senat Tóraǵasy bolǵan Q.Toqaev onyń ornyna kelgen edi.

«Bul saılaýdyń nátıjesinen biz halyqtyń Elbasy saıasatynyń jal­ǵasqanyn qalaıtynyn kórdik», dedi Toqaev ulyqtaý rásiminde. Nursultan Nazarbaev Qaýipsizdik keńesiniń Tór­aǵasy retinde áli de óz eline qyzmet kór­sete beretini belgili.

«Men Qazaqstan halqyna adal qyzmet etýge, Qazaqstan Respýblıka­synyń Konstıtýsııasy men zańdarynda ózime júktelgen mindettemelerdi ádil at­qarýǵa, halyqtyń quqyǵy men bos­tan­dyǵyna kepildik berýge ant etemin!» dedi jańadan saılanǵan Memleket basshysy.

О́z sózinde áleýmettik máselelerdi aıryqsha kótergen jańa Prezıdent birqatar reformalardyń bolatynyn da ısharalady. Sonyń ishinde baı men kedeıdiń tabys aıyrmashylyǵyn azaıtýdy, elde orta tap qalyptastyrýdy jáne tabıǵı baılyqtardan túsetin ult­tyq baılyqty teńdeı jáne ádil bóletinin aıtty.

Sonymen qatar Prezıdent adam quqy men sóz bostandyǵynyń da damýyn nazarynda ustaıtynyn jetkizdi. Saılaýaldy naýqan kezinen bastap pikir alýandyǵyna oń qaraıtynyn, degenmen eń aldymen dıalog ornatý kerektigin aıtqan Qasym-Jomart Toqaev barsha qazaqstandyqtardy birtutas ult bolyp birigýge shaqyrdy.

Álemdegi iri halyqaralyq aqpa­rat jáne jańalyqtar agenttikteriniń biri THE ASSOCIATED PRESS te elimizdegi el Prezıdentiniń kezekten tys saılaýy týraly jazdy. Jańa saılanǵan Memleket basshysy Qasym-Jomart Toqaevty ulyqtaý rásimi týraly «Qazaqstannyń jańa Prezı­denti qyzmetine kiristi» degen maqalada Qazaqstannyń jańa Prezıdenti qyz­metine kirisip, zor senim artqany úshin qazaqstandyqtardyń bárine alǵys aıtqanyn jazdy.

Sondaı-aq Q.Toqaev táýelsizdik alǵan sátten bastap el basqarǵan Qazaq­stannyń Tuńǵysh Prezıdenti – Elbasy Nursultan Nazarbaevtyń erekshe rólin atap ótip, osy sabaqtastyqty saqtaý jáne ony odan ári nyǵaıtý jolynda jumylýǵa shaqyrdy. Agenttik Q.Toqaevtyń «Bul saılaýda azamattar Elbasy N.Nazarbaevtyń baǵytyn jalǵastyrý úshin maǵan daýys bergenin moıyndaý kerek», degen sózin de keltirgen.

«Qasym-Jomart Toqaev 9 maýsymda ótken saılaýda 70,96 paıyz basym­dyqpen jeńiske jetken bolatyn. Oǵan 6 539 715 adam daýys bergen. Q.Toqaev naýryz aıynda Nursultan Nazarbaev óz ókilettiligin toqtatqannan keıin Prezı­dent qyzmetine kirisken», dep aqparattyq agenttik ótkenge sholý jasaǵan.

Sonymen qatar agenttik «Meniń maqsatym – qoǵamnyń birligin qam­tamasyz etý jáne árbir azamattyń qu­qy­ǵyn qorǵaý. Qazaqstannyń ulttyq múd­desin árqashan jáne barlyq jerde qorǵaıtyn bolamyn», degen Qasym-Jomart Toqaevtyń sózin keltirgen. Prezıdent ulyqtaý rásiminde sóılegen sózinde qoǵamdaǵy on basym baǵytty belgilep, olardyń barlyǵyn jaqyn arada júzege asyrý keregin aıtty. Onyń ishinde halyqtyń tabysyn arttyrý jáne ál-aýqatyn jaqsartý, sybaılas jemqorlyqqa qarsy tıimdi is-qımyl­dar jasaý, sottyq-quqyqtyq reforma, ádiletti áleýmettik saıasat, turǵyn úı máselesin sheshý, óńirlerdi damytý, tepe-teńdik jáne kópvektorly syrtqy saıasat, sondaı-aq, jastardy qoldaý máseleleri kóterildi.

Túrkııanyń jet­ek­shi basylymdary da Prezıdent ulyqtaý rásimin ha­bar­laýdan qa­lys qal­mady. Olar jańa Memleket basshysyn saılaý­daǵy jeńisimen, qyzmetine kirisýimen quttyqtap, sáttilik tilesti.

Atap aıtar bolsaq, Anadolý agent­tigi táýelsizdik saraıynda ótken mańyzdy sharaǵa Tuńǵysh Prezıdent – Elbasy Nursultan Nazarbaev, Úkimet músheleri, Parlament depýtattary, Konstıtýsııalyq Keńes músheleri, Joǵarǵy sot sýdıalary, Qazaqstanda tir­­kelgen dıplomatııalyq korpýs ókil­deri jáne basqa da shaqyrylǵan qonaq­tardyń qatysqanyn, 2500-ge jýyq adam bolǵanyn habarlaıdy.

Sonymen birge ulyqtaý rásimi barysynda Ortalyq saılaý komıssııasy jańa saılanǵan Prezıdentke Qazaqstan Respýblıkasy Prezıdentiniń kýáli­gin tapsyrǵanyn, Prezıdent rásim barysynda Qazaqstan halqyna ant ber­ge­nin jazady. Túrik agenttigi Qazaq­stan Konstıtýsııasyna sáıkes jańa­dan saılanǵan Prezıdent ant bergennen keıin resmı qyzmetine kirisetinin habarlady.

Odan keıin Anadolý agenttigi Mem­leket basshysy ulyqtaý rásiminde sóı­legen sózinde zor senim artqany úshin qazaqstandyqtardyń bárine al­ǵys aıtqanyn, Qazaqstannyń Tuń­ǵysh Pre­zıdenti – Elbasy Nursultan Nazar­baevtyń erekshe rólin atap ótkenin jetkizgen. Prezıdenttiń «Qazaqstannyń ulttyq múddesin árqashan jáne barlyq jerde qorǵaıtyn bolamyn» degen sózin keltiredi.

«Qazaqstan Prezıdenti on negizgi baǵytty belgilep berdi jáne olar­dyń bárin júzege asyrýǵa dereý kirisý keregin aıtty. Qazaqstan Prezı­denti qolǵa alatyn negizgi máselesi – sy­baılas jemqorlyqqa qarsy tıimdi is-qımyldar jasaý ekenin eskertti. Odan bólek, halyqtyń tabysyn arttyrý jáne ál-aýqatyn jaqsartý, sot-quqyqtyq reforma, ádiletti áleýmet­tik saıasat, turǵyn úı máselesin sheshý, óńirlerdi damytý, tepe-teńdik jáne kópvektorly syrtqy saıasat, sondaı-aq, jastardy qoldaýdy qolǵa alatynyn málimdedi» delingen agenttik habarlamasynda.