Sharaına
Sársenbi, 27 naýryz 2013 1:47
О́zin ózi prezıdent dep jarııalady
Ortalyq Afrıka Respýblıkasynda memlekettik tóńkeris bolyp, nátıjesinde «Seleka» kóterilisshiler tobynyń jetekshisi Mıshel Djotodııa ózin eldiń jańa prezıdenti dep jarııalady. Sondaı-aq ol óz ókimimen el konstıtýsııasynyń qyzmetin toqtatty jáne parlament pen úkimetti taratty.
Sársenbi, 27 naýryz 2013 1:47
О́zin ózi prezıdent dep jarııalady
Ortalyq Afrıka Respýblıkasynda memlekettik tóńkeris bolyp, nátıjesinde «Seleka» kóterilisshiler tobynyń jetekshisi Mıshel Djotodııa ózin eldiń jańa prezıdenti dep jarııalady. Sondaı-aq ol óz ókimimen el konstıtýsııasynyń qyzmetin toqtatty jáne parlament pen úkimetti taratty.
«Frans-press» agenttiginiń habarlaýynsha, M.Djotodııa Ortalyq Afrıka Respýblıkasy jaqyn ýaqytta ótpeli kezeń kútip turǵanyn málimdegen. О́zin ózi prezıdent dep jarııalaǵan ol osy ótpeli kezeńde elge óziniń jarlyqtary arqyly jetekshilik etpek. Jańa prezıdent qyzmetin toqtatqan el konstıtýsııasy 2004 jyldyń qarashasynda qabyldanǵan eken. Al burynǵy prezıdent Fransýa Bozıze Kongo Demokratııalyq Respýblıkasyna qashyp ketipti. Bul elde bılikti kúshpen basyp alý jáne azamattyq soǵys jıi bolyp turady.
Soltústik Koreıa AQSh-qa «soqqy» bermek
Soltústik Koreıanyń buqaralyq aqparat quraldary Koreıanyń AQSh-qa «soqqy» berý múmkindigine daıyndalyp jatqandyǵy týraly habarlaǵan.
«Frans-press» agenttiginiń memlekettik basylymdarǵa súıene otyryp taratqan aqparattary boıynsha, «soqqy» Qurama Shtattardyń qurlyqtyq aýmaqtaryna, sondaı-aq Gavaııa jáne Gýam araldaryna jasalatyn kórinedi. Osyǵan baılanysty keshe KHDR bıligi eldiń qarýly kúshterin tolyq áskerı daıyndyqqa keltirýge qatysty jınaǵan. Onyń ishinde artıllerııalyq áskerı bólimder, strategııalyq maqsattaǵy áskerı quramalardyń daıyndyǵy bar. Budan biraz ýaqyt buryn Soltústik Koreıa bıligi ınternetke Ońtústik Koreıamen soǵys týraly nasıhattyq rolıkti jarııalaǵan bolatyn.
Kaddafıdiń otbasy endi Omanda turady
Oman úkimeti Lıvııanyń burynǵy basshysy Mýammar Kaddafıdiń otbasyna saıası baspana berdi. Jergilikti basshylardyń jazýynsha, olar – Kaddafıdiń jesiri Safıı, qyzy Aıshe, eki uly Gannıbal men Muhammad.
Bular dıplomatııalyq pasporttar alǵan, sondaı-aq olardyń barlyq qajettilikteri memleket esebinen qamtamasyz etiledi. Kaddafıdiń otbasy 2012 jyldyń qazanynda Aljırden Omanǵa kelgen eken. Bılik muny qupııa jaǵdaıda ustap, jarııa etpepti. Endi olar saıasatpen aınalyspaıdy, jýrnalıstermen kezdespeıdi. Baspana berýde osy jaǵy basshylyqqa alynǵan.
Qaýipti vırýsy bar ampýla joǵaldy
Tehas shtatynyń Galveston qalasyndaǵy ǵylymı-zertteý zerthanasynyń basshylary asa qaýipti Gýanarıto vırýsynyń ampýlasy joǵalǵandyǵyn
habarlady.
CBC NEWS-tiń taratqan aqparattaryna qaraǵanda, qoldy bolǵan ampýla qulyptalǵan tońazytý kamerasynda saqtaýly turǵan. Onyń urlanǵany týraly josparly túgendeý barysynda belgili bolǵan kórinedi. Joǵalǵany jóninde birden tıisti mekemelerge habarlanǵan. Bólmedegi qaýipsizdik júıeleri qandaı da bir buzýshylyqty tirkemegen, bólmege bóten adamdar da kirmepti. Zerthana basshylyǵy ampýla bólmeni tazalaý kezinde kezdeısoq jaǵdaıda synyp, ol qoqystarmen birge tastalynýy múmkin degen boljam jasap otyr. Mamandar ampýladaǵy vırýs bıologııalyq qarý retinde paıdalanylýy múmkin degendi aıtady.
Sırııadan alyp ketýge májbúr boldy
BUU óz qyzmetkerleriniń bir bóligin Sırııadan áketý jóninde sheshim qabyldady. Bul týraly Uıym ókili Martın Nesırkı habarlady.
Onyń aıtýynsha, azamattyq soǵys júrip jatqan bul elden BUU qyzmetkerleriniń jartysy, ıaǵnı júz sheteldik qyzmetkerdiń elýi shyǵarylady. Uıym mundaı sheshimge 24-25 naýryzda Damaskide Uıym qyzmetkerleri ornalasqan qonaq úıge jaqyn mańda birneshe mına jarylǵannan keıin kelip otyr. Sonyń saldarynan BUU-ǵa qarasty ǵımarat pen avtomashınalar zaqymdanǵan. Onyń ústine Damaskini atqylaý údep barady.
Mıhalkov tóraǵalyqqa qaıta saılandy
Reseı kınematografıster odaǵynyń IH sezinde basym daýyspen basqarma tóraǵalyǵyna Nıkıta Mıhalkov qaıta saılandy. Reseı kınematografıster odaǵynyń IH sezi 21 naýryz kúni ótken bolatyn. Oǵan 499 delegat qatysty.
Sezd sheńberinde Reseı kınematografıster odaǵy basqarma tóraǵasyn qaıta saılaý týraly másele de qaralǵan edi. Al tóraǵalyqqa kınematografııa salasynyń belgili ókilderi úmitkerlik tanytty. Olardyń arasynda kınorejısser, RF halyq ártisi Vadım Abdrashıtov, teatr jáne kıno akteri, rejısser jáne kınodramatýrg Vladımır Grammatıkov boldy. Biraq, joǵaryda aıtylǵanyndaı, basym daýyspen 4 jylǵa Nıkıta Mıhalkov qaıta saılandy.
Qysqa qaıyryp aıtqanda:
Egıpettiń bas prokýratýrasy bes saıası oppozısııa belsendilerin tutqyndaýǵa order berdi. Olardy áleýmettik júıeler arqyly alaýyzdyq týdyrdy dep aıyptaıdy.
Nıý-Djersı shtatynyń 44 jastaǵy turǵyny Pedro Kedasa lotereıadan 338 mıllıon dollar utyp aldy.
FITCH agenttigi Kıprdiń eki iri bankiniń reıtıngin defolttyq deńgeıge deıin tómendetti.
Internet materıaldary negizinde ázirlendi.
