Áleýmettik ádilettilik áspettelmek

Jaqsy dástúr jalǵasady

Búgin Qazaqstan tarıhynda jańa paraq ashyldy. Prezıdentti ulyqtaý rásimi ótip, Memleket basshysy resmı túrdi qyzmetine kiristi. Bul – bárimiz úshin qýanyshty jaǵdaı. Halqymyzdy osynaý úlken  merekemen quttyqtaımyn! Prezıdentimiz kirispe sózinde mańyzdy 10 baǵytqa toqtalyp ótti. Onyń barlyǵy buǵan deıingi baǵdarlamalardyń jalǵasyn tabatynyn bildire­di. Bul – sabaqtastyq. Aıtyl­ǵan máselelerdiń bar­lyǵy ha­lyqtyń ál-aýqatyn jaq­sartý­ǵa baǵyttalǵan. Jaqynda bolatyn Úkimettiń keńeıtilgen otyrysynda qaralyp, úlken baǵdarlama qabyldanatyn boldy. Prezıdentimiz ǵasyr dertine aınalǵan sybaılas jemqorlyqqa qarsy kúresti de aıtyp ótti. Bilim salasyna da úlken kóńil bólinip otyr. Erekshe atap aıtatyn jaıt – muǵalimder men dárigerlerdiń mártebesin kóteretin zańnyń qabyldanýy. Prezıdent aıt­qan qoljetimdi medısına aýyl­da da, qalada da densaýlyq saqtaý uıymdarynyń júıe­li jumysy degendi bildiredi. Jańa Prezıdenttiń basty ustanymy – jastar.  Bolashaq – jastardyń qolynda. Jas­tar­dy ár salaǵa aralastyrý da mańyzdy. Osyǵan saı tapsyrmalar da berilmek. Meniń oıymsha, Qazaqstannyń bolasha­ǵy zor.

Baqytjan JUMAǴULOV,

Parlament Senatynyń depýtaty

Áleýmettik ádilettilik áspettelmek

Birinshiden, saılaý ótti. Halyqqa salsa da, qalypqa salsa da Nur Otan par­tııasy óz bıiginen kórindi. Ha­lyq­qa salsa dep otyrǵanym, jalpy osy halyqtyń múddesimen, osy kópshiliktiń máselesimen aına­ly­satyn partııa – osy partııa. Son­dyq­­­tan Nur Otan partııasynyń je­ńisi búkil halyqtyń jeńisi de­gen­di kópshiliktiń kókeıindegi má­se­leler endi durys sheshim tabady degen senimmen aıtyp jatyrmyz. Mine, osy úshin saılaýda biz óz kandı­daty­myzǵa daýys berdik.

Ulyqtaý rásiminde Qasym-Jomart Kemeluly «eldiń múddesin qorǵaý – meniń basty maqsatym» dep aıtty. Eldiń múddesi degen sóz – Qa­zaq­stan azamatynyń árqaısysynyń múddesi. Sonyń ishinde «jastar­dy saıa­sı kózqarastary men ustanym­dary bo­ıynsha bólýge jol bermeımin» dep aıtty. Bul óte mańyzdy. «Bólingendi bóri jeıdi». Elge jany ashıtyn patrıot adam óziniń saıası nemese bas­qa da usynystaryn eldi biriktirýge ba­ǵyttaıdy. Kúni keshe saılaýda aı­qyn basymdyqpen jeńiske jetken­nen keıin de  «Tórt jarym myń usy­nys kelip tústi. Bul usynystardyń bar­lyǵyn saraptap, ár usynysqa óte muqııat qaraý kerek, bul basqarý or­­gan­­­darynyń, ákimshilikterdiń, qo­ǵam­­­dyq uıymdardyń báriniń mindeti. Bu­lar­dyń barlyǵyna ún qatý, jaýap berý kerek» dedi Prezıdent.

Ásirese ádilettilik máselesin óte qatty aıtyp júr. Áleýmettik ádi­­let­­­tilik saıasat degen bar. My­saly, Rım ımperııasynyń ózi nan jet­­­pe­­­gen­­dikten emes, nandy ádil ból­­­me­­­gen­dikten qulaǵanyn tarıhtan bi­l­emiz. Ádildik, adaldyq degen uǵym­­­dar barlyq salada bolsyn de­­gen­di de qadap aıtty. Taǵy bir qýa­­nar­­­lyǵy, ol kisi «Rýhanı jań­ǵy­rý» baǵ­­dar­lamasyn negizinen jas ur­paq­ty tárbıeleýge arnaýymyz ke­rek dep otyr. Shyndyǵynda, osy rýha­nı jań­ǵy­rýdy dańǵazadan taza­lap, jas­tar­dy tárbıeleıtin qural re­tin­de paı­da­lansaq jaqsy bolar edi. Meml­e­ket basshysynyń osy máseleni qadap aıt­qany meniń kóńilimnen shyqty.

Darhan MYŃBAI,

Parlament Májilisiniń depýtaty, Nur Otan partııasy fraksııasynyń múshesi

О́zara túsinistik óristeıdi

Qazaqstan Respýblıka­synyń Ata zańy boıynsha Prezıdenttiń quqyǵy men mindeti aıqyndalyp kórsetilgen. Onyń ishinde ishki saıasatpen qatar, mem­lekettiń syrtqy saıasaty da asa mańyzǵa ıe. Pre­zı­denttiń árbir sózi men isi halyq­aralyq sarapshylar tara­pynan qyzyǵýshylyq týdy­ryp, sheteldikter tarapy nazardan tys jiber­meıdi. Osy oraıda Qasym-Jomart Toqaevtyń bilimi men biliktiligi, tájirbıesi asa joǵary ekenin aıta ket­­ken jón. Táýelsizdik jyl­­darynan bastap Qazaq­stannyń syrtqy ımıdjin qalyptastyrý jolynda da aıtarlyqtaı úles qosty.

Prezıdentti ulyqtaý rá­si­minde búgingi qoǵam­nyń nazaryna ilikken máse­le­lerdiń biri – bılik pen ha­lyqtyń baılany­sy. Mem­leket tarapy­nan jasa­lyp jat­qan jumys­tar­dyń bar­lyǵynan el azamattary habardar bolyp, sonyń ishinde óz ornyn tabýǵa, qajetin alýǵa, saıası saýattylyǵyn art­tyryp, quqyǵyn qor­ǵaýǵa beıimdelýi tıis. Osy maqsatta Prezıdent usyn­ǵan bastamalar búgingi qoǵam úshin asa qajettilik tanytýda. Qoǵam men bılik baı­lanysy artsa, ózara túsinis­tik qalyptasady. Qan­daı da bir týyndaǵan máseleniń eki ushyn eki kózqaraspen emes, bir oıdan shyǵatyndaı keńesip sheshýge jasalǵan qadam der edik. Prezıdent­tiń bas­tamalary eń aldymen halyqtyń jaǵdaıyn jaqsartýǵa, áleýmettik sa­lanyń áleýetin damytýǵa baǵyttalyp otyr. Bul – qýan­tarlyq is. 

Marat BAShIMOV,

Eýropalyq quqyq jáne adam quqyqtary jónindegi saraptamalyq ınstıtýt dırektory

Basymdyqtardy aıqyndap berdi

Buǵan deıin saılaýaldy úgit-nasıhat júrgizý barysynda Nur Otan partııasy atynan usynylǵan Qasym-Jomart Kemeluly Toqaev óziniń baǵdarlamasyn tanystyryp, el kelesheginiń jarqyn bolýy úshin basym baǵyttardy aıqyndap bergen bolatyn. Árıne, Táýel­­sizdik jyldarynan beri Tuń­ǵysh Prezıdent Nursultan Nazarbaevtyń júr­gizgen sarabdal saıasatynyń jalǵasy retinde áleýmettik-ekonomıkalyq negizge baǵyt­talǵan strategııalyq baǵ­dar­lamalardyń aldaǵy ýaqytta da ári qaraı jalǵasyn tabatyny ant berý rásiminde aıtyldy.

Sonymen qatar Prezı­dent búgingi ózekti máselelerdiń de oń sheshim tabatynyn, ár qazaqstandyqtyń múddesin qorǵaıtynyn, kadrlyq rezerv jasalatynyn aıtyp ótti. Onyń ishinde Elbasynyń bıylǵy jyldy Jastar jyly dep ataýy, sonyń negizinde elimizdegi jas býynnyń jańasha serpin alyp, baǵyt-baǵdaryn aıqyndaýǵa basymdyq beriletini de oryndy ári asa qajet bastama degen pikirdemin. Memleket basshysynyń dál qazirgi al­maǵaıyp zamanda, ǵa­lam­dyq ekonomıkanyń san qu­bylǵan kezeńinde, alpaýyt der­ja­va­lardyń saýda soǵysyna tap bolyp turǵan shaqta el birligi men tutastyǵy asa mańyzdy eke­nin aıtýy oryndy ári shynaıy pikir dep esepteımin.

Nurjan ÁLTAEV,

Parlament Májilisiniń depýtaty