Sanaly ǵumyrynyń jarty ǵasyrǵa jýyq bóligin jýrnalıstıka salasyna arnap kele jatqan Jákeńdi respýblıka jurtshylyǵy «Maǵjantanýshy» retinde de jaqsy biledi. Qazaqstan Jazýshylar odaǵynyń oblystyq fılıalynyń tóraǵasy, «Maǵjan» ádebı-kórkem kópshilik jýrnalynyń bas redaktory, «Qyzyljar-Aqparat» JShS-niń dırektory retinde alty alashtyń aqıyq aqynynyń ómiri men shyǵarmashylyǵy týraly qazaq, orys tilderinde birneshe jınaq, ensıklopedııa shyǵardy. «Qojabergen», «Máńgilik eldiń máńgilik maqtanyshy», «Daýylpaz baba Qojabergen» kitaptaryn baspaǵa ázirledi. Ondaǵan áńgime men povester, esseler jınaqtarynyń avtory. Respýblıka Jýrnalıster odaǵy syılyǵynyń laýreaty. Ekinshi dárejeli «Dostyq», «Qurmet» ordenderimen marapattalǵan.
Alqaly basqosýdy ǵylym jáne ınnovasııalar jónindegi prorektor, tarıh ǵylymdarynyń doktory Aqmaral Ybyraeva júrgizip, birinshi sózdi L. Gýmılev atyndaǵy Eýrazııa ulttyq ýnıversıtetiniń professory Serik Negımovqa berdi. Tanymal ǵalym Jarasbaı Qabdollaulynyń bir boıyna toǵystyrǵan azamattyq qasıetteri ishinen Parlament Májilisiniń depýtaty bolǵan kezeńde til, dil úshin bolǵan kúreste ar-namystan taımaǵan maqsatkerlik, rýhanı bıik, oıy tereń bolmysyn daralap aıtty. Fılologııa ǵylymdarynyń doktory Zınaıda Tabakova, qazaq fılologııasy kafedrasynyń meńgerýshisi Janbaı Qadyrov, bala kezden bergi dosy, aqyn Toqtar Zikirın, aýyldasy Baldyrǵan Ilııasov, shákirti, «Soltústik Qazaqstan» gazetiniń bas redaktory Erbaqyt Amantaı, taǵy basqalary el senimine laıyq tulǵanyń shyǵarmashylyǵy, jas jýrnalısterge bergen ónegesi men tálimgerlik qamqorlyǵy jaıly keńinen tolǵana syr shertti. Jýrnalıstıka bóliminiń túlekteri Jákeńniń áńgimelerin mánerlep oqyp, qulaq quryshyn qandyrdy.
Aqmaral Ǵosmanqyzy ǵylym keńes sheshimimen Jarasbaı Qabdollaulyna qurmetti professor ataǵy berilgenin jarııalap, saltanatty túrde tabys etti.
«Dóńgelek ústel J. Súleımenovtiń shyǵarmashylyǵyna arnalǵan stýdent-jastar saıysyn qorytyndylap, sertıfıkattar tapsyrýmen aıaqtaldy.
