Álem-jálem álem
Senbi, 30 naýryz 2013 1:53
Kóktem shýaǵy tonsyz da tońdyrmaıdy
Reseıdiń Kemerovo qalasyndaǵy Rýdnıchnyı aýdanynda turatyn bireý áıeliniń tonyn urlap bir jaıǵap qaldy. Tonnyń joq ekeni belgili bolǵanda, ol bul iske esh qatysy joqtaı keıip tanytqan. Máseleniń aq-qarasy anyqtalǵan kezde álgi sabaz tondy lombardqa ótkizip jibergenin moıyndaýǵa májbúr bolypty.
Senbi, 30 naýryz 2013 1:53
Kóktem shýaǵy tonsyz da tońdyrmaıdy
Reseıdiń Kemerovo qalasyndaǵy Rýdnıchnyı aýdanynda turatyn bireý áıeliniń tonyn urlap bir jaıǵap qaldy. Tonnyń joq ekeni belgili bolǵanda, ol bul iske esh qatysy joqtaı keıip tanytqan. Máseleniń aq-qarasy anyqtalǵan kezde álgi sabaz tondy lombardqa ótkizip jibergenin moıyndaýǵa májbúr bolypty.
Quqyq qorǵaý organdary qyzmetkerimen áńgime barysynda urlyqshy erkek aqshany joldastarymen ishimdikke salǵanyn jasyrmaı aıtqan. Basqasha sóıleýge lajy da qalmasa kerek. Al nege tondy urladyń degen saýalǵa ol kóktem shyǵyp, kún jylynǵan kezde áıeline báribir tonnyń esh qajeti joq ekenin kóldeneń tartyp, aqtalmaq bolypty. Endi polısııa qylmystyq is qozǵaý kerek pe, álde joq pa dep bas qatyryp jatqanǵa uqsaıdy.
Kórgennen kózaqy alatyn dúken
Avstralııalyq Djordjına esimdi hanym ıeligindegi dúkenge kelip, eshteńe satyp almaı, tek assortımentti qarap ketetinderden aqy alý týraly sheshim qabyldady. Onyń aıtýynsha, kelýshilerdiń kópshiligi taýarlar týraly keńesedi, sóıtip, kóp nárseden habardar bolady da eshteńe satyp almaı basqa dúkenderge taıyp turady nemese ınternet arqyly tapsyrys beredi.
Brısben qalasyndaǵy dúken ıesi ári oılap, beri oılap, osyndaı sheshim qabyldaǵanyna dán rıza. «Biz kelgenderden 5 dollar kóleminde aqy talap etemiz. Kelispese, birden kete beredi. Eger taýar satyp alsa, aqy tólemeıdi», deıdi Djordjına. Onyń pikirinshe, bul áreketiniń esh sókettigi joq. Búginde dúkende bosqa sandalyp júretinder azaıǵan, adamdar «kórýshilerden» naqty klıentterge aınalǵan.
Qonaq úıge uıqyshy qyzmetshi kerek
Fınlıandııanyń astanasy – Helsınkı qalasynyń ortalyǵynda ornalasqan qonaq úı uıqy boıynsha mamanǵa vakansııa jarııalady. Unaǵan kandıdatpen 35 kúnge kelisim-shart jasalmaq. Jalaqysy da jaman bolmaıtyn sekildi. Úmitkerlerdi izdeý sáýir aıynyń ortasyna deıin jalǵasady. Tańdaý túsken adam 1 mamyrdan bastap mindetin atqarýǵa kirisedi.
Maman jas ári shyǵarmashylyq adamy bolýy tıis jáne fın, aǵylshyn, sondaı-aq múmkindiginshe orys tilin bilýi shart. Onyń mindetine tek uıyqtap qana qoımaı, blog júrgizý jatady. Qyzmetshiniń qonaq úı nómirinde uıyqtaıtyny jáne belgili bolyp otyr. О́ıtkeni, jumys berýshi qabyldanǵan adamnan bul qonaq úıde uıyqtap, demalǵan tym rahat ekenin blogqa maıyn tamyzyp jazýdy talap etetin bolady. Ázirshe 500 úmitkerden ótinish túsipti.
Qoryldaǵany úshin qor bolǵan stýdent
Qytaıdyń Szınlın provınsııasyndaǵy aýyl sharýashylyǵy ýnıversıtetinde oqıtyn stýdent sotta jataqhana bólmesinde birge jatqan kórshisin qoryldap uıqy bermeı, mazasyn qashyrǵany úshin pyshaqtap óltirgenin moıyndaǵan.
23 jasar Go Lıveıdiń sózine qaraǵanda, bólmelesi Chjao Iаnǵa túnde sen qatty qoryldaısyń dep birneshe márte eskertipti. Biraq ol «tyńdamaǵan». Sodan keıin qorylyn beınetaspaǵa jazyp alyp, ýnıversıtettiń saıtyna salǵan. Chjao Iаn beınerolık týraly bilgen kezde, stýdentter arasynda janjal týyndapty. «Ol meni birneshe márte balaǵattady, shydamaǵandyqtan keýdesine pyshaq urdym», deıdi Go Lıveı. Jaraqattan Chjao Iаn kóz jumǵan. Sot qandaı sheshim shyǵaratyny belgisiz.
Qýlyǵyna quryq boılamaıtyn qylmysker
AQSh-tyń Merılend shtatynda túrmede otyrǵan 26 jasar Reımond Teılor kameralasy bolyp qýlanyp, onyń ornyna bostandyqqa shyǵyp ketken. Ol adam ómirine qastandyq jasamaqshy bolǵany úshin 3 márte ómir-baqı túrmede otyrý jazasyna kesilgen eken. Qashqyndy ustaý ázirshe múmkin bolmaı turǵanǵa uqsaıdy.
Oqıǵa Baltımordaǵy túrmelerdiń birinde oryn alǵan. Onda sotqa baratyn nemese bostandyqqa shyǵarylatyn adamdar ustalady eken. Al Teılor sol túrmege óziniń qylmysyna baılanysty aıǵaq berý úshin aparylsa kerek. Kúzetshiler aty-jónin atap bostandyqqa shyǵýy tıis sottalǵandy shaqyrǵanda, ornyna Teılor ún qatady. Jáne kameralasynyń jeke nómirin qatesiz aıtyp beredi. Onyń qashyp ketkeni bostandyqqa shyǵýy tıis adam esikti tepkilep, shý kótergende ǵana belgili bolady…
Qaratorǵaıdyń eń úlken úıshigi qaıda?
Reseıdiń Belgorod qalasyndaǵy ortalyq demalys saıabaǵynda kólemi bes metrlik qaratorǵaıdyń úıshigi paıda boldy. Onyń ıdeıasynyń avtory saıabaqtyń dırektory kórinedi. Mundaı alyp úıshikti salýǵa qurylysshylar 5 kúnin jumsapty.
Bir qyzyǵy – Gınnestiń rekordtar kitabyna enýden úmitker eń úlken qaratorǵaı úıshigi qustarǵa arnalmapty. Onda qustarǵa úıshik, jem salatyn ydys jáne basqa da «jıhazdar» jasaıtyn sheberhana ornalasqan. Úıshikte Belgorodtyń jas turǵyndary úshin qustarǵa arnalǵan kádimgi úıshik jasaýdy úıretetin sheber jumys isteıdi. Kúni búginge deıin 20 shaqty qaratorǵaı úıshigi jasalsa, olar saıabaqtaǵy aǵashtarǵa ornalastyrylypty.
Jaqsy men jamandy qaıdan uqsyn!
AQSh-tyń Rod-Aılend soty beıaýyz totyqustyń isimen aınalysýdan bas tartqan. Jergilikti quqyq qorǵaý organdarynyń málimdegenindeı, mundaı sheshim bıýdjet aqshasyn saqtap, ony jeńil-jelpi is úshin bosqa shashpaý maqsatynda qabyldanypty.
Jalpy, sot Lınn Teılor bergen apellıasııalyq shaǵymdy qaraýy tıis bolatyn. Onyń ústinen aryz qaraýyndaǵy totyqus «aýzyna» kelgen jaman sózderdi ońdy-soldy burqyratyp, jurttyń tynyshtyǵyn ketirgeni úshin túsken edi. Teılorǵa 15 dollar aıyppul tóleý týraly sheshim shyǵarylsa, ol ony tóleýden bas tartyp, qarsy shaǵym túsirgen-tin. Ádette, ıeleri totyqustaryna ádepsiz sózderdi qyzyq úshin úıretetini belgili. Baıǵus qus ony qaıdan uqsyn!
Aqparat agenttikteriniń materıaldary negizinde ázirlendi.
