Sharaına
Senbi, 30 naýryz 2013 2:05
Qarý-jaraq saýdasy rettele me?
BUU konferensııasyna qatysýshylar qarý-jaraqtyń álemdik rynogyn retteıtin kelisim-shart qabyldaý máselesi boıynsha ózara bátýaǵa kele almady. Qarý-jaraqtyń terrorshylar qolyna túsý yqtımaldyǵyn tómendetýdi kózdeıtin qujattyń mátinin Iran, KHDR jáne Sırııa maquldaǵan joq.
Senbi, 30 naýryz 2013 2:05
Qarý-jaraq saýdasy rettele me?
BUU konferensııasyna qatysýshylar qarý-jaraqtyń álemdik rynogyn retteıtin kelisim-shart qabyldaý máselesi boıynsha ózara bátýaǵa kele almady. Qarý-jaraqtyń terrorshylar qolyna túsý yqtımaldyǵyn tómendetýdi kózdeıtin qujattyń mátinin Iran, KHDR jáne Sırııa maquldaǵan joq.
Qarý-jaraq eksportyna baqylaý jasaýǵa biregeı erejeler men normalar belgileýdi kózdeıtin tuńǵysh halyqaralyq qujattyń mátini BUU-ǵa múshe elderdiń Nıý-Iorktegi konferensııasynda on kún boıy talqylandy. Qorytyndysynda 193 eldiń úsheýi ony qabyldaýǵa qarsy shyqty. Olar bul kelisim-shart negizgi qarý-jaraq eksporttaýshylarǵa ózge elderge óz sharttaryn qoıýǵa quqyq beredi dep esepteıdi. Endi kelisim-shart jobasynyń BUU Bas Assambleıasynyń daýys berýine qoıylýy múmkin. Bul rette qujatty qabyldaýǵa uıymǵa múshe memleketterdiń úshten ekisiniń daýysy jetetin bolady.
Soqqy jasaý josparyna qol qoıdy
Kım Chen Yn áskerı basshylyqpen ótkizilgen shuǵyl keńesten keıin KHDR-diń strategııalyq zymyrandy áskerleriniń AQSh-tyń qurylyqtyq bóligindegi, sondaı-aq, Gavaı, Gýam jáne Ońtústik Koreıadaǵy áskerı bazalaryna soqqy jasaý josparyna qol qoıdy.
Sol sııaqty, osy habardy taratqan agenttik eger AQSh óziniń strategııalyq kúshteriniń úlken kontıngentin jumyldyryp, essiz áskerı arandatýǵa baratyn bolsa ózderiniń osyndaı qadam jasaıtyndyǵyn aıtqan Kım Chen Ynnyń sózin de qosa keltirgen. Sonymen birge, KHDR-da AQSh-tyń búkil aýmaǵyna raketalyq soqqy jasaıtyndaı qajetti resýrstardyń joq ekenin de aıta ketý kerek.
NATO basshylyǵyndaǵy ózgeris
Soltústikatlantıkalyq keńes amerıkalyq general Fılıp Brıdlavtyń NATO-nyń Eýropadaǵy birlesken kúshteriniń bas komandashysy laýazymyna taǵaıyndalýyn bekitti.
Bul týraly beısenbi kúni keshkilik alıanstyń baspasóz qyzmeti habarlaǵan. Endi Brıdlavtyń kandıdatýrasyn AQSh senaty bekitýi tıis. Ol bul qyzmette admıral Djeıms Stavrıdısti almastyratyn bolady. Qazirgi ýaqytta 54 jastaǵy tórt juldyzdy general Brıdlav AQSh-tyń Eýropadaǵy áýe kúshteri qolbasshysy mindetin atqarady. NATO-nyń Eýropadaǵy birlesken kúshteriniń bas qolbasshysy laýazymy dástúrli túrde AQSh ókiline bekitilgen.
Sırııada soǵysqan AQSh azamaty ustaldy
Vashıngton áýejaıynda ereýilshiler jaǵynda bolyp Sırııadaǵy qaqtyǵystarǵa qatysqan AQSh azamaty tutqyndaldy. Bul týraly «Associated Press» agenttigi habarlaǵan.
Federaldyq tergeý bıýrosynyń málimetteri boıynsha, 2012 jyldyń qarashasynda buǵan deıin AQSh armııasynda úsh jyl qyzmet etken 30 jasar Erık Harrýn «Erikti Sırııa armııasy» ereýilshileriniń qataryna qosylmaq nıetpen Túrkııa arqyly Sırııaǵa kelgen. Aqyrynda ol AQSh-ta terrorlyq uıym retinde tanylǵan «Ál-Nýsra maıdany» tobyna baryp qosylǵan. Oǵan jappaı qyryp-joıatyn qarý qoldandy degen aıyp taǵylyp otyr. Eger kináli dep tanylsa ol ómir boıy bas bostandyǵynan aıyrylýy múmkin.
Jalǵan advokat 14 jylǵa sottaldy
London soty kóptegen belgili adamdardy qorǵaǵan alaıaq advokatty 14 jylǵa bas bostandyǵynan aıyrdy, dep habarlady «Novostı» aqparat agenttigi.
«Ibilistiń advokaty» ataǵyna ıe ıtalııalyq Djovannı dı Stefano zańgerlik biliminiń jáne advokattyq tájirıbeni júzege asyrýǵa lısenzııasynyń bolmaǵanyna qaramastan ózin tabysty advokat retinde kórsete bilgen. Kezinde dı Stefano kóptegen qylmyskerlerdi, sondaı-aq, Iraktyń burynǵy vıse-premeri Tarık Azızdi jáne osy eldiń taǵynan qulatylǵan kósemi Saddam Hýseındi sot prosesi barysynda qorǵaǵan bolatyn. Jalǵan advokat óz klıentterinen óte úlken qalamaqylar alyp turǵan.
Slovenııaǵa kıprlik ssenarıı qateri tónýde
Slovenııanyń Eýropadaǵy bank daǵdarysynyń jańa tolqynynyń Kıprden sońǵy qurbany bolýy múmkin, dep jazady «RBK daily» gazeti.
Basylym osy eldiń bank sektoryndaǵy «qaıtarymsyz kredıtter» úlesiniń qaýyrt ulǵaıyp ketkenin atap kórsetken «Capital Economics» sarapshylaryna silteme jasaǵan. Ortasha eseppen Slovenııa bankterindegi jaman boryshtar kólemi qazirdiń ózinde 15 paıyzǵa jetken. Slovenııanyń eń iri kredıtory bolyp tabylatyn Nova Ljubijanska Banka memlekettik qarjy uıymy 2012 jyldy 275 mln. eýro shyǵynmen aıaqtap otyr. Moody’s agenttigi aptanyń basynda banktiń uzaq merzimdi depozıttik reıtıngin «teris» boljam boıynsha tómendetti.
Kongoǵa bitimgershil kúshter engizilmek
BUU-nyń bitimgershilik kúshteri shabýyldaýshy operasııalarǵa mandat aldy. BUU qaýipsizdik keńesi ereýilshil toptardy beıtaraptandyrý men qarýsyzdandyrýda sheksiz quqyq bere otyryp, áskerı kontıngenttiń Kongo Demokratııalyq Respýblıkasyna kirý josparyn bekitti.
Qararda is-sharanyń aıyryqsha sıpatqa ıe ekeni jáne BUU-nyń bitimgershilik qaǵıdattaryn ózgertýge jol berilmeıtini naqtylanǵan. Qujattyń kúshinde bolatyn merzimi – bir jyl. Kongoǵa jiberiletin áskerı qyzmetshiler sany 2,5 myń adamdy quramaq. Bul is-sharanyń durystyǵyna kúmánmen qaraýshylar da joq emes. Ondaılar ózge eldiń aýmaǵyna basyp kirý daǵdyly sıpat alyp ketpeı me dep qaýiptenedi.
Sodyrlar ýnıversıtetti atqylady
Sırııalyq sodyrlar mınometten Damask ýnıversıtetin atqylap, sonyń saldarynan 12 adam qaza tapqan. Negizgi qurbandar stýdentter bolyp otyr.
Snarıadtar astanalyq joǵary oqý ornynyń arhıtektýra fakýlteti ornalasqan ǵımaratqa baryp tıgen. Sonyń saldarynan on eki adam qaza taýyp, jıyrma adam dene jaraqattaryn alǵan kórinedi. Bul sodyrlardyń Damaskini sońǵy ýaqyttardaǵy birinshi atqylaýy emes. Buǵan deıin «Damask shabýyly» sheńberinde Bashar Asadqa qarsylar prezıdent saraıyn, Ýmaııad alańyn jáne basqa da mańyzdy ǵımarattardy atqylaǵan bolatyn. Ázirge sodyrlarǵa qalany basyp alýdyń sáti túsken joq. Úkimet áskerleri Sırııa tóńiregindegi pozısııalardy berik ustanyp, qarsylastaryna eleýli soqqylar jasaýda.
Internet materıaldary negizinde ázirlendi.
