Serikbaı Trumov 1964 jyly maýsymda Mańǵystaý oblysy Túpqaraǵan aýdany Fort-Shevchenko qalasynda dúnıege kelgen. 1992 jyly V. Lenın atyndaǵy Qazaq polıtehnıkalyq ınstıtýtty ınjener-qurylysshy mamandyǵy boıynsha támamdaǵan. Eńbek jolyn 1981 jyly «Mangyshlakselstroı-12» trestiniń №1206 ýchaskesinde betonshık qyzmetinen bastaǵan. 1983-1985 jyldary áskerı mindetin ótedi. 1985- 1986 jyldar aralyǵynda - betonshık, «Mangyshlakselstroı-12» tresiniń №1206 ýchaskesiniń júrgizýshisi bolyp eńbek etti. 1986-1990 jyldary – «Mangyshlakselstroı-12» trestiniń qurylys mehanızasııasy men kólik basqarmasynyń júrgizýshisi qyzmetterin atqardy. 1994 jyly Mańǵystaý oblysy Fort-Shevchenko qalasynyń OО́K avtokólikti jabdyqtaý boıynsha oqytýshy bolyp eńbek etti. 1994- 1995 jyldary – Túpqaraǵan aýdandyq máslıhatynyń bas mamany. 1995 -2004 jyldary – «Túpqaraǵan» JShS jetekshi ınjeneri, dırektory qyzmetterin atqardy. 2004-2006 jyldary - Mańǵystaý oblysy Túpqaraǵan aýdanynyń ákimi. 2006-2008 jyldary - Mańǵystaý oblysy ákiminiń orynbasary. 2008-2012 jyldary - Túpqaraǵan aýdanynyń ákimi. 2012 jyldyń aqpan aıynan 2015 jylǵa deıin -Jańaózen qalasynyń ákimi. 2015 jyldyń shilde aıynan bastap 2017 jyldyń qazanyna deıin Aqtaý qalasynyń ákimi bolyp qyzmet etti. 2017 jyldyń qarashasynan beri Mańǵystaý oblystyq máslıhatynyń hatshysy qyzmetin atqardy.
