Berlındegi halyqaralyq Naýryz meıramy
Seısenbi, 2 sáýir 2013 0:28
Berlınniń Memlekettik etnologııalyq murajaıynda Qazaqstan, Ázerbaıjan, Aýǵanstan, Iran, Qyrǵyzstan, Pákstan, Tájikstan, Túrkimenstan, Túrkııa jáne О́zbekstan elshilikteri birge uıymdastyrǵan Naýryz meıramy ótti, dep habarlady Syrtqy ister mınıstrliginiń baspasóz qyzmeti.
Seısenbi, 2 sáýir 2013 0:28
Berlınniń Memlekettik etnologııalyq murajaıynda Qazaqstan, Ázerbaıjan, Aýǵanstan, Iran, Qyrǵyzstan, Pákstan, Tájikstan, Túrkimenstan, Túrkııa jáne О́zbekstan elshilikteri birge uıymdastyrǵan Naýryz meıramy ótti, dep habarlady Syrtqy ister mınıstrliginiń baspasóz qyzmeti.
Kóktemgi merekeni toılaýǵa 1000-ǵa jýyq qonaq qatysty, olardyń ishinde Federaldyq úkimet pen Býndestag ókilderi, qoǵamdyq-saıası jáne iskerlik qurylymdar qyzmetkerleri, dıplomatııalyq korpýs músheleri, sondaı-aq, saraptamalyq jáne jýrnalıstik toptar boldy.
Naýryz meıramyn merekeleý erekshelikteri týraly jarqyn áńgimeleýmen qatar, saltanat aıasynda qonaqtarǵa halqymyzdyń qaıtalanbas ónerpazdyǵy men baı mádenı murasyn sińirgen biregeı ulttyq kıimder men áshekeıler, turmys zattary men buıymdar, ónegeli salt-dástúr pash etildi.
Shyǵys qonaqjaılyǵy dástúrleri órisinde ǵalamat aspazdyq saýyq uıymdastyrylyp, onyń barysynda mereke meımandary áıgili halyq taǵamdary syrlaryn zerdeleýge múmkindik aldy, sheberlikpen ázirlengen ulttyq tamaqtyń dámin laıyqty deńgeıde baǵalady.
Saltanatty shara sheńberinde dástúrli merekeli konsert ótkizilip, onyń aıasynda on eldiń oryndaýshylary men folklorlyq-etnografııalyq ansamblderi talǵampaz kórermenderge ózderiniń ónerlerin usyndy.
Uly Abaı shyǵarmalary negizindegi qazaq áýenderi men ánderiniń jarqyn gammasy, sondaı-aq, «Jar-jar» ulttyq úılený saltynyń sahnalandyrylǵan qoıylymy kóktem meıramynyń ózindik shýaqty bezendirilýine aınaldy.
Qonaqtarǵa Qazaqstannyń 2050 jylǵa deıingi Damý strategııasyna, Astanada EKSPO-2017 halyqaralyq kórmeniń ótkizilýine, sondaı-aq, elimizdiń Táýelsizdik jyldaryndaǵy jetistikterine arnalǵan materıaldar toptamasy tabys etildi.
Shara 21 naýryzdy Halyqaralyq Naýryz kúni dep belgilep, BUU Bas Assambleıasy 2010 jyly qabyldaǵan qarardyń iske asyrylýyna qosylǵan naqty úles boldy. Atalǵan qararda BUU-ǵa múshe memleketter halyqtary arasynda rýhanı kelisimdi, dostyq pen beıbitshilikti nyǵaıtý maqsatynda osy ejelgi mereke týraly ilimder taratýǵa kúsh salý kerektigi naqtylanǵan bolatyn.
