Jańadan saılanǵan Prezıdenttiń Elbasy Nursultan Ábishuly Nazarbaevtyń bastamalary men jaqsy isterin odan ári jalǵastyryp, sabaqtastyqty saqtaý saıasatyn ustanatyny alań kóńilderdi ornyna túsirip, erteńgi kúnge degen senimdi nyǵaıta tústi degen oıdamyn.
Taǵy bir júrekke jylylyq uıalatqan jaıt, jańa Prezıdenttiń el erteńi jastardyń zor áleýetin, ıaǵnı olardyń jas qaıraty men jalyndy rýhyn, tereń bilimin memlekettiń negizin nyǵaıtý isine molynan paıdalaný kerek degen sózi kóńilden shyǵyp, kókeıdegini tap basty.
Qasym-Jomart Toqaev: «Meniń maqsatym – qoǵamnyń birligin qamtamasyz etý jáne árbir azamattyń quqyǵyn qorǵaý. Eń bastysy, ár jerde jáne árqashan Qazaqstannyń ulttyq múddesin qorǵaıtyn bolamyn», degen ýádesin berdi. Muny men uzaq jyldardan beri Tuńǵysh Prezıdenttiń senimdi seriktesi bolyp, táýelsiz Qazaqstannyń damýyna bar kúsh-jigerin arnap kele jatqan memleketshil tulǵanyń halqynyń aldynda aǵynan jarylyp, zor jaýapkershilikti moınyna alǵany dep qabyldadym.
Konstıtýsııaǵa qolyn qoıyp, úmit artqan halqyna ant berip, resmı túrde qyzmetine kirisken jańa Prezıdentimizge senemiz jáne aq jol tileımiz!
Bekzat ALTYNBEKOV,
Qazaqstan halqy Assambleıasy Keńesiniń múshesi,
Qaraǵandy oblystyq qoǵamdyq kelisim keńesiniń tóraǵasy, oblystyq máslıhattyń depýtaty
QARAǴANDY
