Medısına • 14 Maýsym, 2019

Medısına maıtalmandary marapattaldy

308 retkórsetildi

Dáriger mamandyǵyn tańdaý úshin meıirim tóger júrek pen úlken adamı qundylyqtardy qasterleı bilý qajet. О́ıtkeni aq jeleńdi jandar pasıentke bilimi men biligin, júrek jylýyn syılamasa, dendegen dertti jeńý múmkindigi taryla túspek. Sondyqtan dárigerlerdiń alǵaýsyz meıiriminiń ózi shıpaly em ispetti.

Maýsym aıynyń úshinshi jeksenbisine taman elimizde medısına qyzmetkerlerin qurmetke bólegen merekelik sharalardyń tizbegi bastaldy. Máselen, elorda­nyń Beıbitshilik jáne kelisim saraıynda Jastar jyly  jáne «Rý­hanı jańǵyrý» baǵdarlamasy aıa­synda «Jastar energııasy – elor­dalyq densaýlyq isiniń se­nim­di bolashaǵy» atty medısına qyzmetkerleri kúnine arnalǵan den­saýlyq saqtaý mekemeleri arasyndaǵy «ALTYN SHIPAGER» medısınalyq syılyǵyn tabystaý rásimi ótkizildi. Qyzyl kilemmen júrip, qoshemetke bólengen medısına qyzmetkerleriniń júzderi bal-bul jaınady.

Astanalyq medısına qyzmet­ker­leri arasynda atalǵan syılyq­ty tapsyrý saltanaty bıyl ekin­shi márte ótti. Densaýlyq saq­taý mınıstri Eljan Birtanov árip­testerin quttyqtaı otyryp, «Eń úzdik jas ýchaskelik dáriger» nomı­nasııasynyń jeńimpazy – «Nıet» otbasylyq densaýlyq saqtaý or­ta­lyǵynyń jalpy tájirıbelik dárigeri Saltanat Takeevaǵa «Altyn shıpager» músinshesi men 1 mln teńge qarjylaı sertıfıkatyn tabystady. Sondaı-aq mınıstr bir top medısına qyzmetkerlerine vedomstvolyq gramotalar, medaldar men memlekettik ordender tapsyrdy. Saltanatty keshte 11 atalym boıynsha synǵa túsken jeńimpazdar altyndatqan lavr butaǵyn ıelendi. Ejelgi nanym boıynsha lavr aǵashy – jeńiske jetý, qorǵaý men máńgilik uǵymdarynyń jáne taza bilimniń nyshany sanalady.

Sonymen birge keshe «Astana balet» ǵımaratynda «Densaýlyq saqtaý júıesiniń úzdikteri» res­pýb­lıkalyq baıqaýynyń jeńimpazdary marapattaldy. «Ár­bir naýqastyń jan qınalysyn óz boılaryńyzdan ótkizesizder, olardyń júzindegi árbir kúlki sizderdiń jumystaryńyzǵa tikeleı baılanysty», dedi Den­saýlyq saqtaý mınıstrliginiń jaýapty hatshysy Bolat Tókejanov marapattaý rásiminde.

2019 jyldyń qurmetine bıyl 19 atalym belgilenipti. Baıqaý nátı­jesinde, «Úzdik dáriger» atalymynda pavlodarlyq onkolog-hırýrg Telman Álǵojın úzdik dep tanyldy.  Áriptesteri aldynda mereıge bólengen jeńimpaz: «Meniń eńbek ótilime bıyl – 23 jyl. 1996 jyly ınstıtýt bitirisimen Pavlodar oblystyq onkologııalyq dıspanserine jumysqa keldim. Osy jerde taban aýdarmastan 20 jyldan astam ýaqyt eńbek etý­demin», dedi.

Al Jambyl oblysy Qordaı aýdandyq ortalyq aýrýhanasynyń dárigeri, akýsher-gınekolog Shy­nar О́serbaeva «Úzdik aýyl dári­geri», Aqmola oblysyndaǵy kópbeıindi oblystyq aýrýhananyń medbıkesi Oksana Sıtner «Úzdik medbıke» atalymynda top jardy.

Almaty qalasy qoǵamdyq densaýlyq saqtaý basqarmasy jedel járdem qyzmetiniń 3-bóli­minde jumys isteıtin Darıǵa Qane­tova «Úzdik feldsher» atansa, «Alǵashqy medısınalyq-sanıtarlyq kómek kórsetýdegi úzdik dáriger» atalymynda Aqtóbe qalasyndaǵy «Otbasylyq medısına ortalyǵynyń» dárigeri Gúlaına Izimova erekshelendi. Ár atalymnyń úzdigi qurmetke laıyq ekeni anyq. Al nomınasııa tapsyrýǵa shyqqan dárigerge  uzaq qol soǵý sırek bolatyn kórinis. О́ıtkeni ol qoshamettiń jóni bólek, ol áriptestiń biligin, eńbegin baǵalaý. Zal toly jıylǵan qaýym altyn qandaýyrly dáriger Jaqsylyq Dosqalıevke qurmet kórsetti.

Sonymen «Úzdik sanıtarlyq-epıdemıologııalyq dáriger» no­mı­nasııasynyń bas júldesi Al­ma­ty oblysy taýarlar­ men qyzmetterdiń sapasyn baqy­laý departamenti Ile aýdandyq basqarmasynyń mamany Baǵıla Ábeýovaǵa buıyrsa, qy­zylordalyq Ásel Qadyrálıeva «Úzdik qoǵamdyq densaýlyq saqtaý ma­many» atanyp, Pavlodar qalasy №3 emhanasynyń bas dárigeri Qaıyrly Qabylov «Densaýlyq saqtaýdaǵy úzdik menedjer-uıym­­dastyrýshy» júldesin je­ńip aldy. «Medısınalyq jo­ǵa­­ry oqý oryndarynyń úz­dik oqy­týshysy» atalymynda «Ult­tyq medısınalyq ýnıversıtet» AQ Farmasııa ekonomıkasy, uıymdastyrý jáne basqarý ka­­fedrasynyń meńgerýshisi Qaı­rat Jaqypbekov top jardy. «Medısınalyq kolledjdiń úz­dik oqytýshysy» júldesi Qos­ta­naı joǵary medısınalyq kol­ledjiniń oqytýshysy Svet­la­na Shýleıkoǵa, «Densaýlyq saq­taý salasyndaǵy úzdik jas zert­­teýshi» atalymynda «Semeı medısınalyq ýnıversıteti» AQ­ dekany Aıan Mysaev úzdik shyq­ty. Al «Densaýlyq saqtaý sa­la­syndaǵy úzdik ǵalym» nomınasııasy Qaraǵandy memlekettik medısınalyq ýnıversıtetiniń dırektory Dmıtrıı Babenkoǵa tabystaldy. «Úzdik sanıtarlyq-epıdemıologııalyq saraptama mamany» atalymyn ǵylymı-prak­­tıkalyq sanıtarlyq-epı­de­mıologııalyq saraptama or­ta­­lyǵy fılıalynyń zerthana meńgerýshisi Gaýhar Núsipbaeva ıelense, Qaraǵandy oblystyq onkologııalyq dıspanseriniń onkolog-dárigeri Tatıana Haıtıdı «Úzdik táýelsiz sarapshy» atandy. Sonymen birge «Densaýlyq saqtaý salasyndaǵy úzdik áleýmettik qyz­metker» atalymynda Almaty №4 qalalyq emhanasynyń áleý­mettik qyzmetkeri Erdos Kemal­shaev je­ńim­paz atandy.

Jeńimpazdarǵa dıplom jáne estelik syılyqtar tabys etildi. Saltanatty jıyn merekelik konsertpen aıaqtaldy.

Sońǵy jańalyqtar

Eń qysqa áńgime. Oljas Sándibek

Eń qysqa áńgime • Búgin, 17:13

Eń qysqa áńgime. Talǵat Eshenuly

Eń qysqa áńgime • Búgin, 17:09

Eń qysqa áńgime. Nurdáýlet Qabasov

Eń qysqa áńgime • Búgin, 17:08

Eń qysqa áńgime. Ǵanıbet Ǵalymbekuly

Eń qysqa áńgime • Búgin, 17:02

Eń qysqa áńgime. Ermek Begzada

Eń qysqa áńgime • Búgin, 16:56

Eń qysqa áńgime. Nurnazar Túrikben

Eń qysqa áńgime • Búgin, 16:41

MMA: Otandastarymyz oljaǵa keneldi

Sport • Búgin, 12:57

Qazaqstanda aıtarlyqtaı kún sýytady

Qazaqstan • Búgin, 11:52

Kúlki kerýeni № 15

Rýhanııat • Búgin, 09:53

Shyńǵyrlaýda temir jol kópiri salyndy

Aımaqtar • Búgin, 09:15

Kishkene oqyrmandarǵa estelik

Rýhanııat • Búgin, 07:26

Málik ónegesi – máńgilik

Aımaqtar • Búgin, 07:21

Oıqala oǵlany

Aımaqtar • Búgin, 07:18

Álem kýbogy kimge buıyrady?

Kúres • Búgin, 07:10

San-Marıno da gol saldy

Fýtbol • Búgin, 07:07

Sortań jer sharýashylyq sory

Ekologııa • Búgin, 06:57

Altyn astyq qambaǵa tolyq quıyldy

Aımaqtar • Búgin, 06:54

Morales boı tasalaýǵa májbúr

Álem • Búgin, 06:43

Mysyqtabandap mııa julǵandar kóbeıdi

Ekologııa • Búgin, 06:36

Qarataý nege qaharly?

Qoǵam • Búgin, 06:32

Saǵynyshty jyldar men joldar

100 • Búgin, 06:31

Qazaqtyń qoǵamdyq akademııasyna aınaldy

Rýhanııat • Búgin, 06:28

«El úmiti» senim uıalatty

Aımaqtar • Búgin, 06:25

Uqsas jańalyqtar