Keńeske Qazaqstan Prezıdenti Q.Toqaev, Úndistan Premer-Mınıstri N.Modı, QHR Tóraǵasy S.Szınpın, Reseı Prezıdenti V.Pýtın, Pákistan Premer-Mınıstri I.Han, О́zbekstan Prezıdenti Sh. Mırzııoev, Tájikstan Prezıdenti E.Rahmon, sondaı-aq Aýǵanstan Prezıdenti A.Ganı, Belarýs Prezıdenti A.Lýkashenko, Iran Prezıdenti H.Rýhanı, Mońǵolııa Prezıdenti H.Battýlga qatysyp jatyr.
Memleket basshylary 14 qujatqa, onyń ishinde 13 sheshim men ShYU-ǵa múshe memleketter basshylary keńesiniń Bishkek delarasııasyna qol qoıady dep kútilýde. Sonymen qatar otyrys aıasynda BAQ, sport, densaýlyq saqtaý, ShYU-nyń halyqaralyq baılanysyn keńeıtý salalaryndaǵy yqtymaqtastyqty qamtıtyn 7 qujatqa qol qoıý kózdelip otyr.
Qazaqstan tarapy bastamashylyǵymen ázirlengen densaýlyq saqtaý, ShYU-nyń «Astana» halyqaralyq qarjy ortalyǵymen ózara is-qımyly, sıfrlandyrý jáne aqparattyq-kommýnıkasııalyq tehnologııalar, «ShYU-Aýǵanstan» baılanys tobynyń munan arǵy is-qımyly syndy salalardaǵy yntymaqtastyqty damytýǵa baǵyttalǵan qujattar da rásimdelmek.
Aıta keteıik, 2019-2020 jyldary uıymǵa tóraǵalyq Reseı tarapyna ótedi jáne Shanhaı yntymaqtastyq uıymyna múshe memleketter basshylary keńesiniń kezekti otyrysy 2020 jylǵa josparlanǵan.
