Bul jóninde «Azamattarǵa arnalǵan úkimet» korporasııasynyń baspasóz qyzmeti habarlady. «Nur Otan» partııasynyń XVIII sezinde tuńǵysh Prezıdent Nursultan Nazarbaevtyń bergen tapsyrmasyna sáıkes, múgedektigi bar balalardy tárbıelep otyrǵan otbasylarǵa beriletin járdemaqy kólemi 30 paıyzǵa ósýi tıis.
Búginde múmkindigi shekteýli balalary bar otbasylar 31 183 teńge járdemaqy alyp otyr. Onyń kólemi 1 shildeden bastap 41 578 teńgege ósedi. Aıta ketý kerek, elimizde atalǵan eki járdemaqy 95 myńnan astam adamǵa taǵaıyndalǵan. Onyń 82 myńǵa jýyǵy múgedek balany tárbıelep otyrǵandar bolsa, 13 myńnan astamy – bala kezinen I toptaǵy múgedekterge kútim kórsetetinder.
«Azamattarǵa arnalǵan úkimet» memlekettik korporasııasynyń bólimsheleri men Eńbek komıtetiniń aımaqtyq departamentteri jyl ortasynan járdemaqynyń qaıta eseptelýin avtomatty túrde júzege asyrady. Járdemaqy alýshylar oǵan qosymsha qujat tapsyrmaıdy. Járdemaqy taǵaıyndaý shildeniń 1-nen tamyz aıynyń 15-ne deıin jumys kúnderi júrgiziledi.
Sandýǵash MARALBAI,
EUÝ Jýrnalıstıka fakýlteti stýdenti
