N.Bekejanov atyndaǵy oblystyq mýzykalyq-drama teatrynda medısına qyzmetkerleri kúnine arnalǵan merekelik is-sharasynda Qyzylorda oblysy ákiminiń orynbasary Rýslan Rústemov densaýlyq saqtaý salasy qyzmetkerlerin kásibı merekelerimen quttyqtady, "Densaýlyq saqtaý salasynyń qarjysy bir jyldyń ózinde oblys ákiminiń qoldaýymen 7,2%, sonyń ishinde materıaldyq-tehnıkalyq bazasyn arttyrýǵa bólingen qarjy 20,2% ósti. Oblystaǵy densaýlyq saqtaý uıymdaryn zamanaýı medısınalyq tehnıkamen jabdyqtaý 2018-2019 jyldardyń ózinde 34,9% ósip, qamtý 79,26% qurap otyr", - dep atap ótti Rýslan Rústemuly.
Saltanatty sharada oblystyń úzdik dárigerleri qurmet gramotalarymen jáne alǵys hattarmen, sondaı-aq "Densaýlyq saqtaý salasyn damytýǵa qosqan úlesi úshin" jáne "Densaýlyq saqtaý isiniń úzdigi" tósbelgilerimen marapattaldy.
Oblys ákiminiń orynbasary medısına qyzmetkerleri kúnine arnalǵan jıynda óńirdiń úzdik 5 dárigerine turǵyn úı alýǵa sertıfıkat tabystady. Olarǵa turǵyn úıdiń bastapqy jarnasy 1 mln. jáne 500 myń teńge somasyndaǵy sertıfıkattar berildi.
Qyzylorda oblysy.
