Altaı Kólginov eń aldymen TES-2 jumysy men qalanyń jaryqtandyrý sapasyna mán berdi. Qalany jylý men sýmen qamtamasyz etýde TES-tiń mańyzy erekshe zor. Ákimge nysannyń qazirgi jaǵdaıy men aldaǵy jylytý maýsymyna daıyndyǵy baıandaldy. Altaı Kólginov jylytý maýsymyna daıyndyqty aldyn-ala júrgizý qajettigin atap ótti.
Búginde JEO-1, JEO-2 búginde elordadaǵy 2513 kópqabatty úıdi jylý energo resýrstarmen qamtamassyz etedi. "Jylytý maýsymy kezinde turǵyn úılerge úzdiksiz jylýdy qamtamasyz etý úshin aldyn-ala, osy bastan daıyndalýymyz tıis"- dedi ákim. Altaı Kólginov nysandardy aralaý barysynda qala kóshelerin jaryqtandyrýdy tekserdi. Elordany jaryqtandyrý qala turǵyndarynyń túngi ýaqyttaǵy qaýipsizdiginiń kepili.
Elbasynyń tapsyrmasyna sáıkes Smart City jobasy aıasynda elorda kóshelerin jaryqtandyrýdyń tıimdiligin qamtamasyz etý jumysy júrgizilýde. Osy oraıda, ákim atalǵan baǵyttaǵy jumysty kúsheıtý qajettigin atady. "Qalada shamdar janbaı turǵan nemese múldem jaryǵy joq kósheler bar. О́ıtkeni olar qala balansyna alynbaǵan. Buǵan jol berýge bolmaıdy. Bul sebepti ózi aqtaýǵa kelmeıdi. Onyń ústine ásirese jaz ýaqytynda balalar men úlken adamdardyń júrýine kedergi keltiredi. Qaýipsizdik máseleleri shuǵyl áreketti qajet etetinin túsinýimiz kerek", - dep óz pikirin bildirdi Altaı Kólginov. Elorda ákimi nysandardy aralaý barysynda "Esil" ózeniniń jaǵalaýyn, "Jastar" shaǵyn aýdanyn jáne "Nurly Jol" vokzaly aýmaqtaryn abattandyrýdy tekserdi.
