Saltanatty jıynda sala boıynsha atqarylyp jatqan jumystar jan-jaqty tanystyryldy. Sońǵy jyldary densaýlyq saqtaý salasyna bólingen qarjy 55prosent ósti. Medısınalyq qondyrǵylardy satyp alýǵa beriletin qarajat 2 ese ulǵaıdy. Taǵy da zamanaýı qondyrǵylar satyp alynyp, 14 emdeý mekemesi kúrdeli jóndelmek.
«Sapaly ári tıimdi jumys isteý úshin emdeý mekemeleriniń materıaldy-tehnıkalyq bazasyn jaqsartýymyz qajet. Qyrkúıek aıynda magnıtti rezonanstyq tomografııa jáne angıograf qondyrǵylary alynady. Kompıýterlik tomograf pen sıfrlyq mammograf keledi. Aýdandarǵa 700 mıllıon teńgege 25 qondyrǵy satyp alynady», dedi Qumar Irgebaıuly.
Medısına qyzmetkerlerine jaǵymdy jańalyq jetkizildi. Kúzge taman Petropavlda kópsalaly aýrýhananyń qurylysy bastalady. Aýqymdy jobany túrik kompanııasy júzege asyrady. Onda óńir turǵyndarymen qosa kórshiles oblystar men Reseıdiń azamattary da emdele alady. Osy maqsatpen 200 dáriger shetelge oqýǵa jiberiledi.
Saltanatty jıyn barysynda bir top dárigerlerge «Densaýlyq saqtaý salasynyń úzdigi» tósbelgisi men alǵys hattar tabys etildi.
Soltústik Qazaqstan oblysy.
