Oblystyq tótenshe jaǵdaılar departamenti baspasóz qyzmeti bergen málimette tilsiz jaýdyń qonaq úıdiń astyńǵy qabatynda ornalasqan saýnadan shyqqany aıtylǵan. Jedel túrde shtab qurylyp, saǵat 00:26-da oqıǵa ornyna jetken qutqarýshylar 3 balany qutqardy jáne 31 adamdy qaýipsiz jerge kóshirdi. Aıta keteıik, olardyń 29-y bala. Balalardyń bári Atyraýǵa Oraldan sporttyq jarysqa kelgen. «9 sharshy metr aýmaqty sharpyǵan órt saǵat 01:39-da sóndirildi. Zardap shekkender joq» delingen habarlamada.
Qazir órttiń shyǵý sebebi anyqtalyp jatyr. О́rtti sóndirýge jeke quramnan 32 adam jáne oblystyq tótenshe jaǵdaılar departamentinen 8 dana tehnıka jumyldyryldy.
Búgin áleýmettik jelilerde Atyraýdaǵy osy órt oqıǵasynda balalardy qutqarýǵa atsalysqan azamattar týraly aqparat tarap, qyzý talqyǵa túsýde. Qonaq úı janyndaǵy «Aıva», «Bashnıa» meıramhanalarynyń qyzmetkerleri tilsiz jaýdy quryqtaýǵa kómekteskeni jóninde jazylyp jatyr. Oblystyq tótenshe jaǵdaılar departamentiniń baspasóz qyzmeti oqıǵa erteń naqty zerdelenip, marapatqa usynylatyn azamattar bolsa, qosymsha habarlanatynyn málimdedi.
Atyraý
