Saıasat • 17 Maýsym, 2019

El damýynyń tyń baǵyttary talqylandy

197 retkórsetildi

Nur Otan Trends pikirtalas alańynyń kezekti otyrysy ótti. Onda sarapshylar Qazaqstan Respýblıkasynyń jańadan saılanǵan Prezıdenti Qasym-Jomart Toqaev anyqtap bergen el damýynyń tyń baǵyttaryn júzege asyrý barysyn talqylady.

Alǵash bolyp sóz alǵan Nur Otan partııasynyń hatshysy Farhad Qýanǵanov bıylǵy Prezıdent saılaýynyń táýelsiz Qazaqstan tarıhyndaǵy mańyzy zor oqıǵa ekenine nazar aýdardy. Sondaı-aq elimizde joǵary bıliktiń beıbit jaǵdaıda, ór­kenıetti túrde jáne demo­kra­tııa­lyq qaǵıdalarǵa saı aýysýy Qazaqstannyń damýyna tyń ser­pin beretinin aıtty. Odan bólek, ol saılaýǵa halyqtyń belsendi qatysýy men saılaýaldy naýqan kezindegi áleýmettik jelilerdiń mańyzyn da tilge tıek etti.

– Qazaqstan halqy Qasym-Jomart Kemeluly Toqaevqa daýys berý arqyly Elbasy saıasa­tynyń sabaqtastyǵyn tańdady. Halyq ádil saıasat pen barlyq salanyń órlep, órkendeýi úshin daýys berdi. Sondyqtan ulyqtaý rásiminde jańadan saılanǵan Prezıdentimiz anyqtap bergen damýdyń on baǵyty Elbasynyń strategııalyq saıasatyna taban tireıdi, – dedi F.Qýanǵanov.

Nur Otan Trends alańyna kelýshiler kún tártibindegi qoǵam­dyq-saıası aspektiler men el Pre­zıdentiniń tapsyrmalaryna nazar aýdardy. Atap aıtqanda, aldaǵy ýaqytta elimizdi qandaı ózgerister kútip turǵany, áleý­­met­tik-ekonomıkalyq basta­ma­lar­dyń mańyzy áńgimege arqaý boldy.

– Qasym-Jomart Toqaev ulyqtaý rásiminde elimizdiń aldynda turǵan máselelerdi aıtyp ótti. Birinshiden, bul Qazaq­stannyń Úshinshi jańǵy­rýynyń jalǵasy bolady. Basty maqsat – qazaqstandyqtardyń ómir súrý sapasyn jáne tabysyn kóterý, – dedi partııa hatshysy.

Sonymen qatar is-shara barysynda saıası jańǵyrý máselesi de nazardan tys qalǵan joq. Sa­rapshylar jańa jaǵdaıda bılik pen halyq arasyndaǵy dıa­logty kú­sheıtý joldaryn talqyǵa saldy.

– Qazaqstan Prezıdenti qo­ǵam­daǵy túrli áleýmettik top­tar­­men baılanys ornatatyn Ulttyq qoǵamdyq senim keńesin qurýdy tapsyrdy. Bul bastama azamattyq qoǵam men bılik arasyndaǵy dıalogty kúsheıtetin naqty qadam, – dedi ol.

Sarapshylar Qasym-Jomart Toqaevtyń Ulttyq keńes­tiń quramyn anyqtaýdy tap­syr­ǵanyna nazar aýdaryp, oǵan saıa­sı partııalardyń jetekshileri men azamattyq sektor ókilderi de engizilýi qajettigin aıtty. «Amanat» qoǵamdyq birlestiginiń ókili Saıasat Nurbek bul máselege barynsha jaýapkershilikpen qaraý qajettigin tilge tıek etti.

– Bul keńes naqty jumys isteý kerek. Onyń quramynda qo­ǵamda bedeli bar, sózi ótimdi, senimge ıe ártúrli toptyń ókil­deri bolý qajet, – dedi Saıasat Nurbek. Onyń aıtýynsha, bul qoǵamnyń bılikke degen senimin nyǵaıtady. Sondaı-aq barlyq baǵdarlamalardyń júzege asýy­nyń kepili bolady.

Pikirtalas alańynda sarapshylar jumystyń eń negizgi baǵyty sybaılas jemqorlyqpen kúresý degen toqtamǵa keldi.

– Eger memlekettik qyzmetshi ózindegi kóp mólsherdegi aqshanyń qaıdan kelgenin túsindirip bere almasa, bul qarajatty odan alyp qoıý kerek. Ekinshi másele, kiris jaıyndaǵy jalpy deklarasııany engizý. Bul másele 2017 jyldan beri sheshimin tappaı kele jatyr, – dep atap ótti Tuńǵysh Prezıdent Qory janyndaǵy ÁESI sarapshysy, saıasattaný ǵylymdarynyń doktory Jaq­sylyq Sábıtov.

Aıta keteıik, Nur Otan Trends pikirtalas alańynyń bul otyrysyna moderator retinde «Talap» qoldanbaly zertteýler or­ta­lyǵynyń dırektory Rahym Oshaq­baev, «Ekonomıkalyq zert­teýler ınstıtýty» AQ-nyń bas­qarma tóraǵasy Erlik Qa­ra­jan, saıası sholýshy Ǵazız Ábishev, «Shatalov» telegram-ka­na­lynyń avtory, jýrnalıst Nıkıta Sha­talov, «Sayasat.org» por­taly­nyń shef-redaktory Baýyr­jan Tólegenov jáne bilik­ti ekonomıst Sergeı Domnın qatys­ty.

Sońǵy jańalyqtar

Prezıdent Ahmetjan Esimovti qabyldady

Prezıdent • Búgin, 11:14

Atyraý: Úsh aptada 17 bala joǵaldy

Aımaqtar • Búgin, 11:06

Úndistanda 47 gradýs ystyq boldy

Álem • Búgin, 09:37

80 jyldan keıin ıesin tapqan hat

Rýhanııat • Búgin, 09:22

Taldyqorǵanda úshem dúnıege keldi

Aımaqtar • Búgin, 09:06

Munaı-gaz sektorynyń syn saǵaty

Ekonomıka • Búgin, 07:22

Qomaqty qarjy bólinedi

Pikir • Búgin, 07:20

Mal baqqanǵa bitedi

Aımaqtar • Búgin, 07:10

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Halyq únemdeýge kóshti

Ekonomıka • Búgin, 06:35

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar