Qoǵam • 17 Maýsym, 2019

Sheteldik tehnologııalar – otandyq salada

281 retkórsetildi

Elimizdegi mektepke deıingi bilim berý salasynyń pedagogtary Elordada bas qosty. Qazaqstan Respýblıkasy Prezıdentiniń Is Basqarmasy Medısınalyq ortalyǵynyń «Qarlyǵash» balabaqshasy» semınarǵa qatysqan 100-den astam mamanǵa óz tájirıbesine engizgen sheteldik tehnologııalar men ádis tásilderdi tanystyrdy.

Jıynda sóz alǵan Bilim jáne ǵylym mınıstrligindegi Mektepke deıingi jáne orta bilim berý departamenti dırektorynyń orynbasary Sáýle Nurahanqyzy aprobasııa obektisine aınalǵan balabaqshadaǵy nátjeli eńbek – birlesken jumystyń jemisi ekenin jetkizdi. Onyń aıtýynsha, bul – báriniń basy ǵana, mınıstrlik pen mektepke deıingi uıym arasyndaǵy ujymdyq jumys jalǵasa beredi. О́ıtkeni otandyq mektepke deıingi bilim berýdiń sapasyn arttyrý – ortaq maqsat.

«Qarlyǵash» balabaqshasynyń dırektory Gúlnar Ysqaq  osy semınar 10 jyldan beri júıeli jumys júrgizip kele jatqan mektepke deıingi uıymnyń tájirıbesin bólisý maqsatynda uıymdastyrylǵanyn aıtady. «Al ár oblystyń mamandaryn balabaqshamyzǵa oqytý tehnologııalarymyzdy tanystyrý úshin ǵana emes, is júzinde qalaı qoldanatynyn kórsetý úshin jınadyq. Biz, bizdiń pedagogtar kóptegen shetelderde biliktiligin arttyryp kelgen. Halyqaralyq tájirıbeden túıgen oılaryn, úırengen túrli tehnologııalaryn ózimizdiń ulttyq ereksheligimizge qaraı yńǵaılap, engizdik», deıdi G.Ysqaq. Onyń aıtýynsha, balabaqsha mamandary Italııa, Fınlıandııa, Reseı, Sıngapýr, Estonııa elderiniń oqytý tájirıbelerin zerdelep, óz baǵdarlamasyna qosqan.

Semınar barysynda qatysýshylar arnaıy ázirlengen 5 topqa bóliný arqyly ár tájirıbe alańynda bolyp, ádis-tásildermen tanysyp shyqty. Almaty qalasyndaǵy №51 bóbekjaı-balabaqshanyń meńgerýshisi Farıda Omarbek semınardyń ózine jańalyq bolǵan tustary kóp ekenin tilge tıek etti. «Osy semınardan keıin qazirgi qollanysta júrgen oqytý tehnologııalarynyń bolashaq urpaqqa eski ekenin túsindim. Túrli tehnologııalardy tátpishtep túsindirdi. Sonyń ishinde Sıngapýrdyń tájirıbesin óz balabaqshama engizýdi qolǵa alamyn», deıdi F.Omarbek. Qatysýshynyń aıtýynsha, zaman alǵa jyljyp, damyǵan saıyn básekege qabiletti balalardy daıyndaý kerek. Bul maqsatqa jetý úshin pedagog ınnovasııalyq ádisterdi árdaıym jańǵyrtyp otyrǵan abzal.


Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar