Halyqaralyq semınarǵa Mıýnhende ótken (1972 jyl) Olımpıada oıyndarynyń chempıony, Azııa dzıýdo odaǵynyń referı dırektory Kavagýchı Takao men Halyqaralyq dzıýdo federasııasy bekitken mamandar qatysty. Semınarǵa qatysqan tóreshiler Bangkok ýnıversıtetinde ótken Taılandtyń halyqaralyq chempıonatynda tóreshilik etip, emtıhan tapsyrdy. Nátıjesinde, Qazaqstandyq ulttyq sanattaǵy tóreshiler Altynbek Býlatov pen Jomart Qoblanov emtıhandy sátti tapsyryp, «Continental» sanatyndaǵy tóreshiler qataryna qosylyp, arnaıy sertıfıkatpen marapattaldy.
«Continental» sanatyndaǵy tóreshiler respýblıkalyq jarystardan bólek, halyqaralyq jarystarda tórelik etedi. Sonymen qatar, halyqaralyq dzıýdo federasııasy bekitken Azııa kýbogtary men Eýropa kýbogtarynda tórelik etýge múmkindik beredi.
Aıta keterligi, atalmysh semınarǵa álemniń 70-ten asa dzıýdo tóreshileri qatysty. Qazirgi tańda Qazaqstanda «Continental» sanatyndaǵy 30-ǵa jýyq tóreshi bar.
