Jastar belsendiligi joǵary

Otyrysty ashqan M.Áshim­baev óz sózinde Memleket basshysy Qasym-Jomart Toqaev­tyń jastarmen jumys isteýge basymdyq berýge ýáde etkenin eske saldy.

– Bizdiń Prezıdentimizdiń saılaýaldy baǵdarlamasynda da jastar máselesine qatysty naqty josparlar usynyldy. Endi osy jumystardyń barly­ǵyn birlese júzege asyrýymyz kerek. Sonymen qatar ózderi­ńizge belgili, biz respýblıkalyq qoǵamdyq shtab janynan «Team Qazaqstan» atty jastar qanatyn qurǵan bolatynbyz. Oǵan qo­syl­ǵan jastar saılaý kezinde bel­sendi jáne nátıjeli jumys iste­di. Aldaǵy ýaqytta da Team Qazaqstan qanatynyń áleýetin keńinen paıdalanamyz, – dedi M.Áshimbaev.

Otyrys barysynda TV prodıý­­­­seri, telejúrgizýshi Áı­ge­rim Esenáli, «Bolashaq» kor­po­ra­tıvti qaıyrymdylyq qory keńesiniń tóraǵasy Dınara Sháı­júnisova, prodıýser, tele­júr­gizýshi Ashat Sadyrbaı,  Qazaq­stan Pre­zıdenti ja­nyn­daǵy Mem­lekettik bas­qarý akademııasy baspasóz qyzmetiniń jetekshisi Aqerke Berlibaı, «Qazaqstan jas­tary kongresi» respýblıkalyq jastardy damytý ortalyǵynyń jetekshisi Erǵazy Ázimhanuly sóz sóılep, prezıdenttik saı­laý­­daǵy qyzmetteri men jas­tar­­d­yń is-qımyldaryna qatysty oılarymen bólisti. Sonymen qatar osy jolǵy saılaýda qol­da­nylǵan sheteldik zamanaýı saılaý tehnologııalary jaıynda pikir almasty.

Jalpy, jastar kóshbas­shy­lary Prezıdent saılaýynda áleýmettik jelilerdiń keńinen qoldanylǵanyn, jastardyń saıa­sı ómirge belsene aralasyp, óz bolashaqtaryna beıjaı qa­ra­maıtynyn dáleldegenin jarysa baıandady. 

Team Qazaqstan qanaty elimizdiń barlyq aımaqtarynda belsendi jastardyń basyn qosyp, sońǵy úderisterge saı áreket etýde.