Saltanatty sharaǵa Ulttyq Ulan bas qolbasshysynyń tárbıe jáne áleýmettik-quqyqtar máseleler jónindegi orynbasary, general-maıor Muhamedqalı Satov, oblys ákimi Qumar Aqsaqalov,soǵys ardageri Stepan Bashırov qatysyp, jas leıtenanttarǵa aq jol tiledi.Memlekettik emtıhandaryn sátti tapsyrǵan 217 túlekke áskerı biliktilikterin rastaıtyn halyqaralyq dıplomdar saltanatty túrde tabys etildi.
«Sizder endi keń baıtaq elimizdiń áskerı bólimderinde qyzmet etetin bolasyzdar. Otandy qorǵaý– bizdiń ata-babamyzdan mıras bolyp kele jatqan abyroıly mindet, azamattyq paryz. Aldaryńyzda eldiń tynyshtyǵyn, qaýipsizdigin qamtamasyz etý, jas sarbazdardy otansúıgishtikke tartý sekildi abyroıly mindetter», dedi quttyqtaý sózinde Qumar Irgebaıuly.Áskerı ınstıtýt bastyǵy, general-maıor Baýyrjan Ábjanovqa fılosofııa ǵylymdarynyń doktory ǵylymı ataǵy berildi.Jyl ótken saıyn áskerı ınstıtýtta oqýǵa tilek bildirýshiler qatary artyp keledi. Bıylǵy oqý jylyna 613 mektep túlegi qujat tapsyrypty. 2015 jyly qabyldanǵan kýrsanttar arasynda Qyrǵyz eliniń 5, Tájikstan Respýblıkasynyń 10 azamaty bar.Erkejan Tolybaev mektep qabyrǵasynda júrgende áskerı qyzmetker bolýdy armandaǵan eken. Nur-Sultan qalasyndaǵy № 5573 áskerı bólimine joldama alypty. Ata-analar da qýanyshty. Solardyń biri Gúlzaǵıra Shynybekova Túrkistan oblysynan arnaıy kelipti. О́zgeler sekildi ol da elimizdiń tynyshtyǵyn, jastardyń Otanǵa qaltqysyz qyzmet etýin tileıdi.
Barabanshylar men orkestrdiń, karabınshilerdiń óneri, qoshtasý valsi kópshiliktiń qoshemetine bólendi.
Soltústik Qazaqstan oblysy.
