Qoǵam • 18 Maýsym, 2019

UBT júrgizýge daıyndyq 100% qamtamasyz etilýi tıis — A. Mamın

148 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda QR Bilim jáne ǵylym mınıstri Ashat Aımaǵambetov Ulttyq biryńǵaı testileýdi ótkizýge daıyndyq barysy týraly baıandady.

Bıyl Qazaqstanda JOO-larǵa túsýge nıet etýshiler sany 117 myńnan asady. Bilim berý grantyn alýǵa jáne memleket esebinen bilim alýǵa úmittenýshiler úshin bıyl testileý 20 maýsymda bastalady.

QR Úkimetiniń basshysy óńirlerdiń ákimderine oqýshylardyń UBT-ǵa qatysýyn uıymdastyrý máselesin baqylaýǵa alýdy tapsyrdy.

«UBT ótkizýge daıyndyq 100% qamtamasyz etilýi tıis», — dedi Asqar Mamın. 

— Bilim jáne ǵylym mınıstrliginiń mindeti – test ótkizý pýnktteriniń barlyǵynyń jumysyn naqty úılestirý».

Memlekettik organdarǵa UBT qatysýshylarynyń qaýipsizdigin qamtamasyz etý úshin barlyq qajetti sharalardy qabyldaý tapsyryldy.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar