Qoǵam • 18 Maýsym, 2019

UBT: 20-30 maýsym aralyǵynda testileýge 117 myńnan astam túlek qatysady

168 ret kórsetildi

Premer-Mınıstr A. Mamınniń tóraǵalyǵymen ótken Ulttyq biryńǵaı testileýdi ótkizýge daıyndyq barysy týraly Úkimet otyrysynda Bilim jáne ǵylym mınıstri A. Aımaǵambetov baıandama jasady.

QR BǴM málimetterinshe, 2019 jyly UBT 16-shy ret ótkizilmek. 2004 jyldan beri testileýge 1 mln 775 myń adam qatysqan.

Bilim jáne ǵylym mınıstri habarlaǵandaı, bıyl da UBT formaty ózgergen joq.

«Bıylǵy 20-30 maýsym aralyǵynda UBT 169 pýnktide ótkiziledi. UBT-ǵa jalpy sany 117 242 adam qatysady, onyń ishinde bıylǵy mektep bitirýshiler 96 380 nemese túlekterdiń jalpy sanynan 71,6%, 20 862 – ótken jyldardaǵy mektepter men kolledjderdiń túlekteri», — dedi A. Aımaǵambetov.

Bilim jáne ǵylym mınıstri UBT ótkizý tehnologııasynyń saqtalýyn qadaǵalaý úshin óńirlerge QR BǴM ókilderi jiberilgenin habarlady. Testileý materıaldary óńirlerge qupııalylyǵyn saqtaı otyryp jetkizildi. Respýblıkalyq apellıasııalyq komıssııa jáne UBT ótkiziletin árbir pýnktte apellıasııalyq komıssııa quryldy.

«Barlyq aýdıtorııalar uıaly baılanysty báseńdetetin qurylǵylarmen jáne beınekameralarmen 100% qamtamasyz etildi. UBT ótkiziletin pýnktilerde beınetranslıasııa jasaıtyn monıtorlar ornatyldy. Jyldam aqparat almasý úshin Bilim mınıstrligi men Ulttyq testileý ortalyǵynyń call-ortalyqtary jumys isteıdi», — dedi A. Aımaǵambetov.

Sonymen qatar, bilim jáne ǵylym mınıstri bıyl UBT-ti jetildirýge baǵyttalǵan birqatar sharalar qabyldanǵanyn aıtty.

Birinshi. Bıyldan bastap UBT aqyly negizde oqýǵa túskisi keletinder úshin jylyna 4 ret ótkiziledi. Bul mektep oqýshylarynyń psıhologııalyq qysymyn tómendetip, maýsymda ótetin UBT-ǵa ázirlenýlerine múmkindik berdi.

Ekinshi. О́z beıini boıynsha aqyly oqýǵa túsetin kolledj túlekteri UBT tapsyrýdan bosatylady.

Úshinshi. halyqaralyq sertıfıkattary bar jáne shet tilin biletini rastalǵan tulǵalar «Shet tili» páni boıynsha testileýden bosatylady. Olarǵa avtomatty túrde eń joǵarǵy ball – 40 ball beriledi. UBT-ǵa qatysatyn balalardyń ishinde olardyń sany – 708.

Tórtinshi. Árbir túlekke UBT sertıfıkatymen qatar, aqparattyq paraq beriledi. Onda bilim berý baǵdarlamalary tobynyń tizimi, bıyl bólingen granttar sany, ótken jylǵy konkýrs nátıjeleri kórsetiledi. Bul túlekke óziniń bolashaq mamandyǵyn sanaly túrde tańdaýyna múmkindik beredi.

Besinshi. Bıyl bilim berý granttary bilim berý baǵdarlamalarynyń toptary boıynsha beriledi. JOO-ǵa alynǵan kezde oqýǵa túsýshi odan ári oqýy úshin naqty bilim berý baǵdarlamasyn tańdaıdy.

Jalpy, A. Aımaǵambetovtyń aıtýynsha, UBT ótkizýge barlyq daıyndyq jumystary aıaqtalǵan. Mınıstrlik JAO-men jáne quqyq qorǵaý organdarymen birlesip, tesitileý ótkizý tıisti deńgeıde qamtamasyz etiledi.

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Uqsas jańalyqtar