Qoǵam • 19 Maýsym, 2019

Polıseıdiń bir aty – saqshy...

259 retkórsetildi

Endigi jerde «Polısııa – qorǵanyń» degen sózdiń tuzy jeńil ekenin túsindirip jatýdyń ózi artyq shyǵar. О́ıtkeni qoǵamda tártip saq­shylaryna degen qur­met pen senimge qatys­ty ekiudaı pikir qa­lyp­tasqanyn joqqa shy­ǵarýǵa bolmaıdy. Alaıda...

Qazir qoǵamdyq tártipti qadaǵa­laýdaǵy qazaq saqshylarynyń qaýip pen qaterge toly jumysyn baǵa­lamaý da ádiletsizdik bolar edi. Ári otandyq polı­sııa sapynda óz isin minsiz atqa­ryp, antyna berik qal­pyn­da qaltqysyz qyzmet etip júrgen jandar jetkilikti.

...Taldyqorǵan áýejaıynan sapar shekken jolaýshylar ushaqqa otyrǵyzý bastalǵan ýaqytta ár­daıym jyly júzben sát-sapar tilep tur­ǵan oqaly jaǵaly polıseıdi jıi jolyqtyrady. Bul kisi polısııa polkovnıgi, Taldy­qorǵan  qalasy áýe­jaıyndaǵy jelilik polısııa bólim­shesiniń basshysy Tórehan Bútinshinovtiń ózi edi.

– Polıseıdiń bir aty – saqshy ǵoı. Demek, biz adamdardyń ómirin saqtaýshymyz. Qaýip-qaterden, ury-qarydan, jaman nıettilerden saq­tandyrýshymyz. Qo­ǵam­daǵy tár­tipti saqtaýda da saq bolýymyz kerek. Me­niń oıymsha, ár qazaq polıseıi osy us­­­tanymmen jumys isteýi tıis. Sonda eldiń qur­­metine bólenesiń, senimine ıe bolasyń, deıdi polkovnık.

Tórehan Bútinshinov bul jelilik polısııa bóliminde uzaq jyldan beri qyzmet atqaryp keledi eken. Qa­zir áýejaıdaǵy tirlik qyzý. Al bir kezeńderde Taldyqorǵannyń osy áýe­jaıy ushaq túgili, qus qon­baı­tyn­daı kúıge túsken-di. Táýelsiz­diktiń al­ǵashqy jyl­darynda oblys tarap, jurt jappaı kóship jatqan tusta memlekettiń nyq she­gesi, qa­la­nyń altyn bosaǵasy sııaq­ty bol­ǵan áýejaıdy talan-tarajǵa salýdan qorǵap, synyq shegesin de kóz­diń qarashyǵyndaı saqtap qalýǵa tyrysqan tártip saqshy­larynyń qatarynda turdy. 

– Áýejaı qalanyń aspannan ashylǵan qaqpasy ǵoı. Qarasańyz, úıine asyqqan júzdegen adam, jú­regin qýanysh kernegen qanshama taǵ­dyr saǵynyshyn basyp, týǵan qalas­yna oralyp keledi nemese úmit pen arman jetelegen jas­tar, qyz­metine asyq­qan jandar jan-jaq­qa ushyp ketip jatady. Mu­ny sezine bilý kerek. Men qolas­tym­daǵy qyzmetkerlerime ushaq qo­natyn, usha­tyn ýaqytta jolaý­shy­lardyń ortasyna shyǵýdy ádetke aı­nal­dyryńdar deımin, bireýdiń júgin kóteris, bireýge aq jol tile. Esesine jurt rıza. Álgindeı sezimd­i bastan keshesiń, adamdardyń rıza­shylyǵyn alasyń. Jumysqa da qyra­ǵy qaraısyń, deıdi keıip­kerimiz.

Búginde Almaty oblysyndaǵy týrıstik maýsym qyzǵan shaǵynda. Taldyqorǵan áýejaıynan Nur-Sul­tan, Almaty qala­laryna tikeleı qaty­naıtyn áýe kemelerinen bólek, Ala­kól jaǵalaýyndaǵy Úsharal qala­synyń áýejaıyna bet alǵan jolaýshylar ushaǵy Jetisý aspanynan kúnara qalyqtap ótedi. Osy jolaýshylardyń qaýip­sizdigin qamta­masyz etý – polkovnık Tórehan Bútin­shinov basqaratyn jelilik polısııa bólimshesiniń tikeleı mindeti.

– Jalpy, Ishki ister mınıstr­liginiń kóliktegi polısııa departa­men­tine qarasty Úshtóbe jelilik polısııa bóli­miniń mindet júgi salmaqty. Bólimniń qyzmet kórsetý aýmaǵyna Aqtoǵaı temir jol stansasy men Saryózek beketine deıin jáne Tal­dy­qorǵan – Qarabulaq – Tekeli tarmaǵyn qosqanda 500 shaqy­rymnan astam temir jol boıy men Taldyqorǵan qalalyq áýejaıy kiredi. Negizgi jumysymyz 7 aýdannyń aýmaǵyn qamtıdy. Biz óz qyzmetimizde temir jol kóligimen tasymaldanatyn júktiń saqtalýy men poıyzdardyń, ushaqtardyń qaýipsizdigin qamtamasyz etemiz. Zańsyz esirtki bıznesimen kúresý de bizdiń paryz. Qazir «Quqyq buzýshylyqqa múldem tózbeýshilik» qaǵıdatyn basshylyqqa ala otyryp, azamattardyń quqyqtyq máde­nıetin kóterýge de kúsh salyp otyrmyz. Bul – polısııanyń qylmystyń aldyn alý, ony­men kúresý jumysyn jetildirip qana qoı­maı, qoǵamdy izgilendirýge bastaıdy, deıdi polısııa polkovnıgi, Taldyqorǵan  qalasy áýejaıyndaǵy jelilik polısııa bólimshesiniń basshysy Tórehan Bútinshinov.


Almaty oblysy
Sońǵy jańalyqtar

Elorda ortalyǵynda avtokólik órtendi

Qazaqstan • Búgin, 18:19

Baspasóz róli – basty másele

Ádebıet • Búgin, 15:49

Qazaqstanǵa sheteldik bankter keledi

Ekonomıka • Búgin, 10:23

Qostanaı fılarmonııasyna 75 jyl toldy

Rýhanııat • Búgin, 09:34

Jańa úlgidegi kólikter

Qoǵam • Búgin, 09:08

Balýandar Tarazda beldesedi

Kúres • Búgin, 08:31

Grand Slam jarysynda beldesedi

Sport • Búgin, 08:30

Meksıkalyqtyń qarsylasy atanýy múmkin

Kásipqoı boks • Búgin, 08:29

Oqyrmanmen oı bólisti

Rýhanııat • Búgin, 08:17

Ortsaılaýkomdaǵy semınar-trenıng

Qoǵam • Búgin, 08:11

Qazaq baspasóziniń piri atandyń

Qoǵam • Búgin, 07:54

Qııanatqa qarsy turǵan gazet

Rýhanııat • Búgin, 07:49

Jemqorlyq jerge qaratady

Qoǵam • Búgin, 07:48

«Bir synaǵan jamandy...»

Aımaqtar • Búgin, 07:46

Erli-zaıyptylardyń erligi

Aımaqtar • Búgin, 07:43

Dostyq úıindegi bıznes-forým

Qoǵam • Búgin, 07:39

El ıgiligin eselegen jan

Rýhanııat • Búgin, 07:32

Memleket bankterge qolushyn soza ma?

Qoǵam • Búgin, 07:25

Eń qymbat ulttyq brendter

Álem • Búgin, 07:23

Teńgeniń tegeýrini

Qarjy • Búgin, 07:21

Senim kapıtaly

Ekonomıka • Búgin, 07:18

Qoǵamǵa otbasy ınstıtýty qajet

Qoǵam • Búgin, 07:15

191 myń adam júıege qashan engiziledi?

Medısına • Búgin, 07:07

Qor aldynda úlken mindetter tur

Qazaqstan • Búgin, 07:04

Uqsas jańalyqtar