Álem • 19 Maýsym, 2019

Úndistanda qatty ystyqtan 184 adam qaıtys boldy

201 retkórsetildi

Úndistannyń Bıhar shtatynda qatty ystyqtan qaza tapqandar sany ótken senbiden beri 184 adamǵa jetken.

Memlekettik tabıǵı apattarǵa qarsy kúres departamentiniń derekteri boıynsha, eń kóp ólim sany Magad aýdanyna qarasty Aýrangabad, Gaıe jáne Navadta tirkelgen.

Senbi kúni memlekettiń kóptegen bólikterinde qatty ystyqqa baılanysty 24 saǵat ishinde 45 ólim tirkeldi. Jeksenbi kúni taǵy 29 adam qaza tapty. 100-den astam adam iz-túzsiz joǵalyp ketti.

IANS agenttigine  suhbat bergen resmı qyzmetkerlerdiń sózine qaraǵanda  Gaıa aýdanynyń ákimshiligi dúısenbi kúni qatty ystyqqa baılanysty tótenshe jaǵdaı jarııalady. Bul - aýa-raıy jaǵdaılaryna baılanysty shtatta engizilgen alǵashqy tótenshe  jaǵdaı. Bılik ókilderi turǵyndarǵa tańerteńgi saǵat 11-den keshki 4-ke deıin úıden shyqpaýǵa keńes berdi. «Bul shara adamdardy, qurylysta jumys isteıtin jumysshylardy qorǵaý úshin jasalǵan qadamnyń bir bóligi», dedi Gaıa aýdany magıstraty Abhıshek Kýmar Sıngh. Bıhardaǵy barlyq memlekettik mektepter ystyqqa baılanysty 22 maýsymǵa deıin jabyldy.

Bıhardyń kóptegen aýdandarynda bir aptadan astam ýaqyt boıy temperatýra 40°C-dan joǵary bolyp tur. Úndistannyń meteorologııalyq departamentiniń málimetteri boıynsha, eń joǵary temperatýra senbi men jeksenbi kúnderi normadan aıtarlyqtaı joǵary boldy. Bul Bıhardaǵy kóptegen jerlerde jyldyń osy ýaqyty úshin qalypty maksımýmnan 5,1°C-ge artyq.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar