Shyǵarmashylyq saparmen týǵan topyraǵyna kelgen óner juldyzyn Batys Qazaqstan oblysynyń ákimi Ǵalı Esqalıev qabyldap, qurmet kórsetti. О́ńir basshylary keler jyly áıgili «Qyz Jibek» fılminiń túsirilgenine 50 jyl bolatynyn eske alyp, sahna qaıratkeriniń bastamalaryn árqashan qoldaıtynyn aıtty.
Aıta keteıik, Merýert Qarataıqyzynyń shákirtterinen quralǵan top alǵash ret alys sapar-gastrolge shyǵyp, Oral teatrynyń kásibı sahnasynda tuńǵysh ret óner kórsetipti.
- Bizdi qushaq jaıa qarsy alyp, qurmet kórsetip jatqan oblys basshylaryna, kórermen qaýymǵa myń da bir rahmet aıtamyn. Bul bizdiń tuńǵysh saparymyz. О́zimniń baýlyǵan balalarym nebári ekinshi kýrsta bolsa da gastrolge shyǵyp, oıyn kórsetkenine qýanyshtymyn. Bul balalar ónerdi óte súıedi, kún saıyn daıyndalyp, ýnıversıtetten shyqpaıdy. Demalysta da, meıram kúnderi de tynym tappaıdy. О́nerdiń joly qıyn jol ekenin qazirden sezinip júr. Bolashaqty ýaqyt kórsetedi ǵoı. Bizdiń balalardyń «óz aldymyzǵa teatr ashsaq» degen de armany bar, - deıdi Merýert О́tekeshova.
Astanalyq óner ýnıversıtetteri shákirtteriniń tyrnaqaldy týyndysyn oraldyq kórermen óte jyly qabyldady. Bir synypta oqyp, jastyq shaqtyń bal qyzyǵyn birge keshken bir top jastyń ómirin sýretteıtin kóńildi qoıylym ásem ánge, ádemi qımyl-qozǵalysqa toly eken.
Merýert О́tekeshova men 17 shákirti Batys Qazaqstan oblysynyń Qaztalov pen Jańaqala, kórshiles Atyraý oblysynyń Inder jáne Mahambet aýdandaryn aralap, qoıylym kórsetpek.
Batys Qazaqstan
