Sharaına
Sársenbi, 12 maýsym 2013 2:07
Narazy top alańnan qýyldy
Ystambuldyń ortalyǵyndaǵy Taksım alańyndaǵy úkimetke qarsy narazylyq aksııasyn basý úshin tańerteńgilik arnaıy maqsattaǵy polısııa otrıadtary keldi. Osylaısha, narazylyq bildirýshilerdi sýly zeńbirektermen jáne kóz jasaýratatyn gazben qýyp taratty.
Sársenbi, 12 maýsym 2013 2:07
Narazy top alańnan qýyldy
Ystambuldyń ortalyǵyndaǵy Taksım alańyndaǵy úkimetke qarsy narazylyq aksııasyn basý úshin tańerteńgilik arnaıy maqsattaǵy polısııa otrıadtary keldi. Osylaısha, narazylyq bildirýshilerdi sýly zeńbirektermen jáne kóz jasaýratatyn gazben qýyp taratty.
Alańda qazirgi ýaqytta eshkim qalmaǵan kórinedi. Bizdiń maqsatymyz polısııany aralastyrý emes, Kemal Atatúrik eskertkishin tazartý jáne usqynsyz plakattardyń kózin joıý, dep habarlaǵan túrik teledıdarynyń tikeleı efırinde Ystambul gýbernatory Hýseın Avnı Mýtlý. Sondaı-aq, ol azamattardy polısııanyń is-qımyldaryna baılanysty alańdamaýǵa shaqyrǵan. Ustalǵandar men zardap shekkender týraly eshqandaı málimetter joq.
Eks-agent áshkereleýlerin ulǵaıta túspek
Eldiń arnaıy qyzmetteri PRISM baǵdarlamasy arqyly júzege asyratyn jappaı ınternet-tyńshylyq týraly aıtyp bergen AQSh Ortalyq barlaý basqarmasynyń burynǵy qyzmetkeri Edvard Snoýden odan da zor áshkereleýler jasamaq nıette.
Bir jýrnalıstiń aıtýynsha, ázirge Ortalyq barlaý basqarmasynyń burynǵy agenti bergen habarlardy jarııalaýdyń ýaqyty týraly másele sheshilýde. Ol bergen qujattar ondaǵan maqalalar jazýǵa múmkindik beredi. Biz osy málimetterdiń bárin paıdalanbaqshymyz, dep málimdegen reporter. Qazirgi ýaqytta Edvard Snoýdenniń qaıda jasyrynyp júrgeni belgisiz kórinedi.
Terrorlyq aktiler kúsheıip tur
Iraktyń soltústiginde oryn alǵan terrorlyq aktiler men sodyrlardyń tikeleı shabýyldary saldarynan 70-ten astam adam zardap shekken. Sonymen birge, elde jankeshti-bombalaýshylar áreketteri men qarýly shabýyldar oryn alyp otyr.
Jaqynda Dıala provınsııasyndaǵy Djıdaıdat-ál-Shatt qalasynda úsh birdeı avtomobıl jarylǵan. Mosýlda terrorshylar jergilikti polısııa basqarmasyna shabýyl uıymdastyryp, jankeshti-terrorshylar shabýyly men zymyrandyq atqylaý saldarynan 24 adam qaza tapqan. Olardyń kópshiligi polıseıler men áskerı qyzmetshiler kórinedi. Maýsymnyń basynan beri Irakta teraktiler saldarynan 100-den astam adam qaza taýyp otyr.
Iаdrolyq qarýlar týraly málimdedi
Gollandııanyń eks-premer-mınıstri Rýýd Lıýbbers el aýmaǵynda amerıkalyq ıadrolyq qarýlardyń bar ekendigin málimdegen. Onyń aıtýynsha, Soltústik Branbant provınsııasyndaǵy Volkel áýe bazasynyń jerasty býnkerlerinde 22 ıadrolyq oqtumsyq saqtaýly tur.
Gollandııa áskerı-áýe kúshteriniń ókili saıasatkerdiń málimdemesin synǵa aldy. Mundaı jáıt týraly eshqashan ashyq aıtýǵa bolmaıdy, burynǵy premer retinde muny óte jaqsy biledi, dep atap kórsetken ol. Osylaısha saıasatker Nıderlandtaǵy ıadrolyq qarý taqyrybyn kópshilik aldynda talqylamaý týraly ýaǵdalastyqty buzǵan.
Áýe dıspetcherleriniń ereýili
Fransııanyń basty áýejaılarynda shamamen 1,8 myńdaı reıster keıinge qaldyryldy. Oǵan áýe dıspetcherleriniń ereýilderi sebepker bolyp otyr.
Fransııadaǵy ereýilderdi Eýroodaqtyń qararlaryna sáıkes salany beıtaraptandyrýǵa qarsy narazylyq belgisi retinde kásipodaqtar uıymdastyrǵan. Brıýsseldiń paıymynsha, Eýropada «birtutas aspan» qurylýy tıis, ol áýe keńistigin ulttyq prınsıp boıynsha bólshekteýdi taratyp, EO sheńberinde biregeı basqarý ortalyǵyn qurýdy qarastyrady. Ereýilder úsh kúnge sozylmaqshy.
Nóser jańbyr ákelgen shyǵyn
О́tken birneshe kún ishinde nóserlete jaýǵan jaýyn saldarynan Qytaıdyń túrli aýdandarynda 3,57 mln. adam materıaldyq zardap shekti.
Eldiń 10 provınsııasynda neǵurlym kúrdeli ahýal qalyptasyp otyr. Olardyń qatarynda Hýbeı, Hýnan, Szıansı, Anhoı, Iýnnan jáne Gýıchjoý provınsııalary bar. Resmı málimetter boıynsha, 13 adam tabıǵat apatynyń qurbanyna aınalǵan. Nóser jańbyr 287 myń aýylsharýashylyq alqaptaryn joıyp, 1,5 myńnan astam turǵyn-jaılardy qulatqan. Shyǵynnyń jalpy kólemi 209 mln. dollar bolady dep baǵalanyp otyr.
Aleppony qaıtarýǵa daıyndalýda
Sırııanyń áskerı komandovanıesi taıaý kúnderi Aleppo provınsııasyndaǵy qarýly oppozısıonerlerge qarsy keń aýqymdy operasııa bastaýdy josparlap otyr.
Operasııanyń maqsaty – búlikshiler ustap turǵan qalalar men derevnıalardy bosatý. Sırııalyq «Ál-Vatan» gazeti óz tarapynan áskerıler operasııaǵa daıyndyqty bastap ketti dep jazýda. Eske sala keteıik, buǵan deıin Sırııa úkimeti qarýly oppozısııanyń Lıvanmen shekaradaǵy basty tiregi bolyp tabylatyn Kýseır qalasyn tolyq baqylaýǵa alǵanyn habarlaǵan bolatyn.
Prezıdent reaktor qurylysynda boldy
Iran prezıdenti Mahmud Ahmadınejad Araka qalasy aýdanyndaǵy aýyr sýdaǵy zertteýshilik reaktor qurylysy júrip jatqan jerde boldy.
Internet-BAQ-tardyń habarlaýynsha, Irannyń atom energııasy jónindegi uıymynyń basshysy Fereıdýn Abbası ınjenerlerdiń bul reaktordy 2014 jyldyń naýryzynda iske qosýdy josparlap otyrǵanyn málimdegen. Osy oraıda, MAGATE bas dırektory Iýkııa Amano 3 maýsym kúni Irannyń ıadrolyq problemaǵa qatysty ustanymyn, sonymen birge, joǵaryda atalǵan reaktor qurylysyn synǵa alǵan bolatyn. Ol Irannyń ıadrolyq jobasy BUU Qaýipsizdik Keńesiniń qararlaryna qaıshy keledi dep atap kórsetken-di.
Internet materıaldary negizinde ázirlendi.
