Sport • 19 Maýsym, 2019

Islandııalyq Rýnıdiń Qazaqstandaǵy alǵashqy suhbaty

154 retkórsetildi

Endi Astananyń da óz vıkıngi bar. Qazaqstannyń eń úzdik klýby Chempıondar Lıgasy bastalmas buryn quramyn 29-jastaǵy Islandııa quramasynyń fýtbolshysy Rýnar Mar Sıgýronssonmen tolyqtyrdy, dep jazady "Astana" fýtbol klýbynyń resmı saıty.

– Rýnar, Qazaqstanǵa qalaı ushyp keldiń? Jol aýyr bolmady ma?

– Bul bir uzaq kún boldy. Islandııadan Frankfýrtqa, Frankfýrttan Nur-Sultanǵa ushtym. Ushý uzaqtyǵy 16-17 saǵatymdy aldy. Oǵan qosa, Qazaqstan ýaqytynyń bizden biraz aıyrmashylyǵy bar. Ushý qıynǵa túspedi. Biraq, jol alys boldy.

– Buryn, Qazaqstan týraly ne biletin edińiz?

– Asa bir kóp nárse bildim dep aıta almaımyn. Biletinim az. Sizderdiń memleketterińizdiń tarıhyn oqydym. Shynymdy aıtsam, alǵashynda kartadan Qazaqstannyń qaı jerde ornalasqanyn da bilmedim. Artynsha qazaq jerin kórgen soń tań qaldym. Dál mundaı úlken memleket dep oılamadym. Sizderdiń astanalaryńyz Nur-Sultan qalasy jas, ári ádemi qala. Endi, mende Qazaqstanmen jaqynyraq tanysatyn múmkindik te, ýaqyt ta paıda boldy.

– Sizdiń esimińizdi aıtý adamdar úshin qıynǵa soǵady. Sizdi áriptesterińiz qalaı ataıdy?

– Bul qıyndyqpen kóp jerde kezdesemin. Meni áriptesterim kóbine Rýnı dep ataıdy. Nemese, Sıgı – Sıgýronssonnyń qysqartylǵan túri. Biraq, basym kópshiligi Rýnı dep ataıdy.

– Bul Ýeın Rýnımen uqsastyǵyǵyz bar degendi bildire me?

– Joq, meniń esimim Rýnar. Ony qysqartyp Rýnı deıdi. Aǵylshyndyq shabýylshymen eshqandaı uqsastyǵymyz joq.

– Qazaqstandyq komandalardyń oıyndaryn kórgensiz be?

– Iá. Qazaqstan ulttyq quramasynyń birneshe oıynyn kórgen bolatynmyn. «Astana» fýtbol klýbynan usynys túskennen keıin, oıyndaryn kórip shyqtym. Tipti, osy maýsymdaǵy jetistikterin baqylap otyrdym. Kórgenderimdi qoryta men úzdik klýbqa keldim dep aıta alamyn. Eýro-2016 týrnıriniń irikteý kezeńinde men Qazaqstan ulttyq quramasyna qarsy oınaı almadym. О́ıtkeni, mende jaraqat bolatyn. Islandııada ótken qarymta oıyndy da jiberip aldym.

– Islandııa quramasynyń oıynshylary Qazaqstanmen ótken oıyn teń nátıjemen aıaqtalǵanyna qaramastan qýanǵany, bizdi biraz tańyrqatty.

– Bizge sol sátte ár upaı mańyzdy bolatyn. Komandamyz qorǵanysqa kóp kóńil bóldi. Barlyǵy da Eýropa chempıonatyna shyǵý úshin jasalǵan eńbek dep bilemin.

– Siz Eýropa chempıonatynda ǵajaıypqa sendirgen Islandııanyń quramynda boldyńyz. Bul ǵajaıyp qalaı oryn aldy?

– Bul jetistik quramamyzdyń qajyrly eńbeginiń arqasynda keldi. Birimiz bárimiz úshin kúrestik. Biz úshin óte keremet týrnır boldy. Ásirese, Anglııaǵa qarsy ótken oıyn erekshe este qaldy. Bári biletindeı ıslandııalyqtar aǵylshyn fýtbolyn jaqsy kóredi. Sol sebepti Anglııa quramasyn jeńgenimiz ǵajaıyp boldy.

– Islandııa quramasynyń sapynda áýesqoı fýtbolshylar bar degen sybys kóp tarady. Bireýiniń mamandyǵy tis dárigeri, bireýi rejıser taǵysyn taǵy... Sol qanshalyqty ras?

– Joq, bizdiń qurama oıynshylarynyń barlyǵy kásipqoı fýtbolshylar. Bir qyzyǵy bizdiń quramamyzdyń bas bapkeriniń kómekshisi tis dárigeri bolyp qyzmet jasap júrdi. Alaıda, onyń óz sebepteri bar. Ulttyq quramamen jumys jasaǵan kezde oıyndardyń arasynda tym kóp bos ýaqyt bar. Ol sol bos ýaqytynda tis dárigeri bolyp jumys atqaratyn. Aıtpaqshy, sol kómekshi kóp ýaqyt ótpeı ulttyq quramanyń bas bapkeri atandy. Bul onyń basty jumysy bolmaǵanmen, demalǵan kezinde jasaıtyn jumysy, bylaısha aıtqanda hobbıi. Barlyq adamda hobbı bolýy kerek dep oılaımyn.

– Al, qaqpashy shynymen rejısser me?

– Iá, ol beıneklıp, fılm túsirýmen aınalysady. Islandııa – kishkentaı el. Munda, fýtbol oınaı júrip, taǵy basqa da mamandyqtyń ıesi atanatyndar kóp. Aıtpaqshy, Álem chempıonaty kezinde bizdiń quramamyzda  Islandııada tuz óndiris kompanııasynda jumys jasaıtyn fýtbolshy bolatyn.

– Eger, fýtbolshy bolmasańyz, kim bolar edińiz?

– Tipti bilmeımin. Ákem qurylysshy. Múmkin, sol kisige kómektesetin shyǵarmyn.

– Sonymen, Islandııanyń osyndaı jetistikke jetý qupııasy ne?

– Biz komandamyz. Bizde kóp jyldar boıy bir qurammen oınadyq. Jaqyn dostar atanyp ta kettik. Biz aıanbaı ter tóktik. Oǵan qosa, biz kez kelgen qarsylasty jeńýge bolatyndyǵyna sendik. Bastysy senim durys bolýy kerek.

– Eıdýr Gýdonsen – Eýro-2016 týrnırindegi sizderdiń eń basty kóshbasshylaryńyz boldy deı alasyz ba?

– Árıne. Múmkin, ol bizdiń qurama tarıhyndaǵy eń úzdik oıynshylardyń biri. Komandamyzdaǵy kóp fýtbolshy úshin ol – kýmır. О́ıtkeni, kópshiligimiz endi fýtbolǵa kelip jatqan kezde, Gýdonsen «Chelsı» men «Barselona» sapynda gol soǵyp júrdi. Eıdýrmen bir quramada oınaý men úshin úlken abyroı. Ol kisiden úırengenim kóp. Gýdonsen ıslandııa fýtbolynyń qaharmany.

– Sizde onyń uıaly telefonynyń nómiri bar ma?

– Bar.

– Eıdýrmen qazaqstandyq klýbqa aýysatyndyǵyń jóninde sóılestińder me?

– Iá, osy jaqynda sóıleskenbiz. Bir-eki kún buryn shyǵar. Ol meniń agentimmen jaqsy tanys. Eıdýr Gýdonsen aıtty: «Bul mansabyń úshin durys jol ekendigińe kóziń jetse, onda tosylmaı bar. Qazaqstandaǵy fýtbol oınaǵan ýaqytyńnan lázzat al».  Gýdonsen Qazaqstanmen jaqsy tanys. Ol, osy jerde ulttyq qurama sapynda gol soqqan. Basqa da Islandııa quramasynda birge óner kórsetetin dostarym sáttilik tiledi.

– Maýsymnyń ortasynda komandaǵa qosylǵan kıyn emes pe?

– Bilmeımin. Árıne, maýsymnyń basynda kelgen men maýsym ortasynda kelgenniń aıyrmashylyǵy bar. Biraq, men jańa komandaǵa tez úırenip, klýbtyń jetistikke jetýine kómektesetinime senemin.

– Ne úshin «Astanaǵa» aýysýǵa kelisim berdińiz?

– «Astana» kóp ýaqyt boıy maǵan qyzyǵýshylyq tanytty. Bul durys sheshim boldy ma, ony ýaqyt kórsetedi. Meniń jańa maýsymnan kúter jaqsy jańalyǵym kóp. «Astanaǵa» keletin bolsaq, bul jaqsy oıynshylary bar klýb. Eýrokýbokte óner kórsetip, myqtylyǵyn dáleldep júrgen komanda.  Bul da meniń «Astanaǵa» aýysýyma basty sebep boldy.

– Alaıda, Shveısarııaǵa qaraǵanda Qazaqstandaǵy jasyl alań men stadıon máselesi óte nashar ekenin bilesiz...

– Iá, bilemin. Qazaqstan chempıonaty oıyndaryn qaraǵan kezde kórgenmin jáne men buǵan daıynmyn. Jalpy, jańa elge bara jatqanda barlyq qıyn jaǵdaıǵa daıyn bolýyń tıis.

– Qandaı nómirde óner kórsetetinińizdi sheshtińiz be?

– 10-shy nómirdi alýdy qalaımyn. Jastar quramalarynda óner kórsetip júrgen kezde 10 nómirmen oınaıtynmyn. Alaıda, kásipqoı fýtbolǵa kelgeli beri 10-shy nómir kóp ýaqytta bos bolmaıdy.

– «Astana» komandasynda qoıǵan basty maqsatyńyz?

– Klýb qoıǵan maqsattarǵa jetýge kómektesý.

Sońǵy jańalyqtar

Eń qysqa áńgime. Oljas Sándibek

Eń qysqa áńgime • Búgin, 17:13

Eń qysqa áńgime. Talǵat Eshenuly

Eń qysqa áńgime • Búgin, 17:09

Eń qysqa áńgime. Nurdáýlet Qabasov

Eń qysqa áńgime • Búgin, 17:08

Eń qysqa áńgime. Ǵanıbet Ǵalymbekuly

Eń qysqa áńgime • Búgin, 17:02

Eń qysqa áńgime. Ermek Begzada

Eń qysqa áńgime • Búgin, 16:56

Eń qysqa áńgime. Nurnazar Túrikben

Eń qysqa áńgime • Búgin, 16:41

MMA: Otandastarymyz oljaǵa keneldi

Sport • Búgin, 12:57

Qazaqstanda aıtarlyqtaı kún sýytady

Qazaqstan • Búgin, 11:52

Kúlki kerýeni № 15

Rýhanııat • Búgin, 09:53

Shyńǵyrlaýda temir jol kópiri salyndy

Aımaqtar • Búgin, 09:15

Kishkene oqyrmandarǵa estelik

Rýhanııat • Búgin, 07:26

Málik ónegesi – máńgilik

Aımaqtar • Búgin, 07:21

Oıqala oǵlany

Aımaqtar • Búgin, 07:18

Álem kýbogy kimge buıyrady?

Kúres • Búgin, 07:10

San-Marıno da gol saldy

Fýtbol • Búgin, 07:07

Sortań jer sharýashylyq sory

Ekologııa • Búgin, 06:57

Altyn astyq qambaǵa tolyq quıyldy

Aımaqtar • Búgin, 06:54

Morales boı tasalaýǵa májbúr

Álem • Búgin, 06:43

Mysyqtabandap mııa julǵandar kóbeıdi

Ekologııa • Búgin, 06:36

Qarataý nege qaharly?

Qoǵam • Búgin, 06:32

Saǵynyshty jyldar men joldar

100 • Búgin, 06:31

Qazaqtyń qoǵamdyq akademııasyna aınaldy

Rýhanııat • Búgin, 06:28

«El úmiti» senim uıalatty

Aımaqtar • Búgin, 06:25

Uqsas jańalyqtar