Sál árden bastasaq, oblysta «Rýhanı jańǵyrý» baǵdarlamasyn tıisti deńgeıde júzege asyrý úshin 2017 jyly 319 joba men is-shara iske asyryldy. Sol jyly uıymdastyrylǵan 8584 is-shara 1 mln shamasynda adamdy qamtydy. Al 2018 jyly 323 joba iske asyrylyp, uıymdastyrylǵan 9285 is-sharaǵa qatysýshylar sany 1 mln 300 myńnan asty.
Jalpy, Elbasy «Rýhanı jańǵyrý» baǵdarlamasy sheńberindegi jobalardy iske asyrý boıynsha usynystardy ázirleý, monıtorıng júrgizý maqsatynda Almaty oblysy ákimdiginiń janynan saraptamalyq keńes qurylǵan bolatyn. Búginde keńes quramynda barlyǵy 22 múshe bar, olardyń ishinde 11 jetekshi ǵalym, úkimettik emes uıymdardyń jáne basqa da salalardyń ókilderi bar.
Bıyldan bastap «Rýhanı jańǵyrý» óńirlik jobalyq keńsesisi ashylyp, ortalyqta qyzmet etýge shtat sany 20 adamdy quraıtyn jobalyq menedjmentti meńgergen mamandar, SMM – menedjerler, jastardyń úkimettik emes uıymdarynyń kóshbasshylary, kreatıvti, bilikti mamandar jınaldy. Bıyl aımaqta Elbasynyń «Rýhanı jańǵyrý» baǵdarlamasy men «Uly dalanyń jeti qyry» maqalasynda aıtylǵan baǵyttardy iske asyrýǵa arnalǵan jalpy sany 585 jobalar men is-sharalar qolǵa alynýda.
Olardyń arasynda Jetisý óńiriniń týrızmin nasıhattaý maqsatynda túsirilgen «I love Taldykorgan» mıýzıkliniń tegin premeralyq kórsetilimi ótkizildi. Mıýzıkl Nur-Sultan, Almaty qalalarynyń kınoteatrlarynda kórsetilip, «YouTube» beınehostıngisine júktelip, 24 myńnan astam kórermen tamashalady. «Muqalı» tarıhı-tanymdyq ekspedısııasy uıymdastyrylyp, arnaıy saparmen Qytaı Halyq Respýblıkasynyń tarıhı óńirlerin aralap, sol ekspedısııanyń materıaldary negizinde taralym sany 1000 danada «Muqalı» atty kitap jaryq kórdi. Oblystyq tilderdi damytý jónindegi basqarmasynyń bastamasymen «Jańa álipbıde jazyp úıreneıik» onlaın-sabaq jobasy júzege asyrylýda. Basqarmanyń saıtyna júktelgen 36 onlaın-sabaqqa búgingi kúni 2260 tyńdaýshy qatysqan.
Mádenıet jáne sport, Aqparat jáne qoǵamdyq damý mınıstrlikteriniń qoldaýymen, Almaty oblysy ákimdigi jáne «Rýhanı jańǵyrý» ortalyq jobalyq keńsesiniń uıymdastyrýyme jaqynda halyqaralyq deńgeıdegi aýqymdy is-sharalardyń biri - «Jahandaǵy zamanaýı qazaqstandyq mádenıetti ilgeriletý» atty I Halyqaralyq ǵylymı-tájirıbelik konferensııasy ótkizildi. Úsh kúndik konferensııada Fransııa, Germanııa, Armenııa, Polsha, Belorýssııadan kelgen halyqaralyq sarapshylar men ǵalymdar, mádenıettanýshylar, art-menedjerler, aımaqtyq jáne respýblıkalyq kólemdegi jobalyq keńselerdiń ókilderi qatysty.
«Rýhanı jańǵyrý» baǵdarlamasy aıasynda jaryqqa shyqqan kitaptar legi bir tóbe. Onyń ishinde «Jetisý óńiriniń halyq jáne halyq kompozıtorlary ánderiniń antologııasy» jınaǵynyń mártebesi joǵary. Antologııalyq jınaqqa jalpy sany eki júz elýge jýyq án kirdi. Kitap qazaq halqynyń ǵuryptyq ánderi, halyq ánderi, halyq kompozıtorlarynyń ánderi deıtin 3 bólimnen turady. Sondaı-aq, «Jetisý kitaphanasy» 100 tomdyǵy serııasynyń aıasynda ótken jyly 20 avtordyń kitaby jaryqqa shyqsa, bıylǵy jyly 40 kitap basylady dep josparlanýda. Onyń ishinde 20 kitap jas aqyndardyń tuńǵysh jyr jınaǵy bolmaqshy.
Oblys kóleminde «Rýhanı jańǵyrý» baǵdarlamasy aıasynda júrgizilgen jumystardy aqparattyq súıemeldeýge de basa kóńil bólinip otyr. Onyń ishinde Facebook, Instagram, VK áleýmettik jelilerinde jáne YouTube vıdeohostıngisinde «Rýhanı jańǵyrý» óńirlik jobalyq keńsesiniń paraqshalary ashylyp, aqparattyq sıpatqa ıe 27 jarııalanym men 46 vıderolıkter júkteldi.Al «Rýhanı jańǵyrý» baǵdarlamasy sheńberinde túsirilgen beınerolıkter oblystyq telearnada jáne LED-ekrandarda 4-5 ret kórsetilýde. «Uly NOMAD», «Ult pen rýh», «Tarıh paraqtary» telebaǵdarlamalarynda taqyryptyq suhbattar uıymdastyrylýda. О́tken jyly VVS teleradıokorporasııasymen birlese, ótken jyly «Jetisý» atty beınerolık túsirilgen bolatyn. Ony jer sharynyń 571 mıllıon kórermeni tamashalady. Sondaı-aq, beınerolıkti «MIR TV» telearnasy rotasııalap, ony 150 mıllıon kórermen taǵy tamashalady. Qazirgi ýaqytta «Jetisý» beınerolıgi TMD elderinde keńinen tanymal boldy.
Sondaı-aq, «Uly dalanyń jeti qyry» maqalasy aıasynda birqatar jobalardy iske asyrýdy josparlap otyrmyz. Atap aıtqanda, «Jetisý arba báıgesi» baıqaýy, «Naǵyz qazaq dombyra» atty keshi, «Altyn saqa» atty asyq oıyny men «Sara - Birzhan» taqyrybynda aıtys uıymdastyrý, Ilııas Jansúgirov jaıly derekti fılm túsirýge kiristik. Munan bólek «Uly dalanyń máńgilik mırasy – Manas» taqyrybynda qazaq-qyrǵyz zııalylarynyń III forýmy,«T-CON» ıllıýstratorlar men anımatorlardyń halyqaralyq festıvali, «Altyn adam izimen», «Jetisý týraly arab, parsy, túrki derekteri», «Ata - babalardyń bastaýyna» atty 3 halyqaralyq ekspedısııasyn, «Orbulaq shaıqasynyń tarıhı qoıylymy» jobasyn, «Kóshpendiler tarıhı qolóneri» festıvali, «Shógen - 2019» respýblıkalyq týrnıri, «Jetisý Jibek jolynyń bastaýy» atty jastar ekspedısııasyn uıymdastyrý jáne «Tamyry tereń álipbı» antologııalyq jınaǵyn shyǵarý josparda bar.
Dana Dúısenova,
Almaty oblysy boıynsha «Rýhanı jańǵyrý» jobalyq keńsesiniń dırektory
