Saıasat • 20 Maýsym, 2019

Oslo qalasynda qazaqstandyq-norvegııalyq yntymaqtastyqty tereńdetý perspektıvalary talqylandy

119 retkórsetildi

Qazaqstan Syrtqy ister mınıstriniń orynbasary Roman Vasılenko Osloǵa jasaǵan is-sapary sheńberinde birqatar eki jaqty kezdesýler ótkizdi. Bul týraly Syrtqy ister mınıstrliginiń baspasóz qyzmeti habarlady.

Norvegııanyń Syrtqy ister mınıstri Ine Erıksen Soreıdemen ótken kezdesý barysynda Qazaqstan men Norvegııa saıası, dánekerlik, ıadrolyq qarýdy taratpaýmen qarýsyzdaný salasyndaǵy yntymaqtastyqty nyǵaıtýǵa nıetti ekeni atap ótildi. Norvegııa mınıstri Qazaqstannyń jahandyq ıadrolyq qaýipsizdigine qosqan zor úlesin atap ótti. Suhbattasýshylar Norvegııanyń qarjylyq qatysýymen О́skemen qalasyndaǵy Úlbi metallýrgııalyq zaýytynda AEHA Tómen baıytylǵan ýran otynynyń bankin qurý jáne eki eldiń Irannyń ıadrolyq baǵdarlamasy boıynsha birlesken keshendi is-qımyl josparyn iske asyrýǵa qatysýy aıqyn mysal bolyp tabylatyn ıadrolyq qaýipsizdik salasyndaǵy ózara árekettestiktiń bar tájirıbesin atap ótti.Kezdesý barysynda saýda-ekonomıkalyq yqpaldasýdy nyǵaıtý turǵysynda kólikpen logıstıka, aýyl sharýashylyǵy men medısına salalarynda ıgi perspektıvalar bar ekeni atalyp ótti.

Syrtqy ister mınıstrleriniń orynbasarlary deńgeıinde aǵymdaǵy jyldyń qarasha aıynda Nur-Sultanda kezekti SIM-aralyq konsýltasııalar ótkizý týraly ýaǵdalastyqqa qol jetkizildi.

Ortalyq Azııadaǵy jaǵdaı týraly aıta otyryp, taraptar Aýǵanstandy turaqtandyrýǵa halyqaralyq qoǵamdastyqtyń odan ári kómek kórsetýiniń mańyzdylyǵyn atap ótip, óńir memleketteriniń ózara is-qımylynyń oń dınamıkasyn atap ótti. Mundaı qoldaýdyń mysaly EO, Qazaqstan jáne О́zbekstannyń qatysýymen Aýǵanstan úshin úshjaqty bilim berý baǵdarlamasy bolyp tabylady.

Norvegııa Parlamentiniń Syrtqy ister jónindegi turaqty komıtetiniń Tóraıymy Annıken Hatfeldpen ótken kezdesýde eki jaqty yntymaqtastyqty nyǵaıtýdaǵy parlamenttik dıplomatııanyń erekshe róli atap ótildi. Kezdesý barysynda suhbattasýshylar Eýrazııadaǵy dıalogty nyǵaıtýdyń jáne ú.j. 23-24 qyrkúıekte Nur-Sultanda ótetin Eýrazııalyq parlamentteri spıkerleriniń 4-shi kezdesýdiń mańyzdylyǵyn atap ótti. Norvegııalyq parlamentarııdiń nazaryna Qazaqstannyń Tuńǵysh Prezıdenti - Elbasy Nursultan Nazarbaevtyń ú.j. sáýirde Beıjińde ótken «Bir beldeý, bir jol» halyqaralyq yntymaqtastyq 2-shi forýmynda usynǵan «úsh dıalog» týraly bastamasy jáne bul dıalogtardy ornatý boıynsha Qazaqstan Syrtqy ister mınıstrliniń kúsh-jigerimen qolǵa alynǵan aqparat jetkizildi.


Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar