Qoǵam • 20 Maýsym, 2019

Almatyda «Jas túlek-2019» festıvali ótti

171 retkórsetildi

Almaty ákimi Baýyrjan Baıbek jyl saıynǵy «Jas túlek-2019» festıvaline qatysyp, mektep bitirýshi túlekterdi attestat alýlarymen jáne «Altyn belgi» ıegerlerin mereıli jetistikterimen quttyqtady. Megopolıste bıylǵy jyly orta mektepti 8250 túlek bitirgen bolsa, olardyń ishinde 478 oqýshy «Altyn belgi» ıegeri atanǵan.

– Senderdiń bilimge degen qushtarlyqtaryń, tabandy ári eren eńbekteriń joǵary marapat – «Altyn belgimen» baǵalanýda. Aralaryńda oqýshylardyń respýblıkalyq, halyqaralyq olımpıadalarynyń, shyǵarmashylyq jáne zııatkerlik konkýrstardyń, sport jarystarynyń jeńimpazdary bar. Sender táýelsiz Qazaqstanda týylǵan bizdiń bolashaǵymyzsyńdar. Barlyq muǵalimderdi, árıne ata-analaryńdy quttyqtaımyn ári olarǵa alǵys aıtamyn. Balalarynyń bıik mejelerden kórinýleri úshin olar aıanbaı ter tókti jáne qanshama túnderdi uıqysyz ótkizdi. Balalarynyń jetistikteri olardyń mahabbatyna, tózimdiligi men qamqorlyǵyna berilgen marapat bolsyn»,  – dedi jınalǵandar aldynda Baýyrjan Baıbek.

Festıvalge arnaıy kelgen kóptegen halyqaralyq mýzykalyq baıqaýlardyń jeńimpazdary Erjan Maksım, Danelııa Týleshova jáne Jan Makın túlekterdi quttyqtady.

Aıta keterligi, Almatyda sońǵy 5 jyl ishinde bilim salasyn qarjylandyrý eki esege ósken. Qalanyń barlyq mektepteri fızıka, hımııa, bıologııa jáne lıngafondy-mýltmedııa kabınetterimen 100 paıyz jabdyqtalǵan. 78 memlekettik bilim nysanyna seısmıkalyq kúsheıtilý jumystary júrgizilgen.

Qalada sońǵy úsh jyl ishinde 3 myń oryndy úsh jańa mektep ashyldy, onyń ekeýi jeke ınvestısııany tartý esebinen MJÁ aıasynda boı kótergen. Alty mektep janynan 4 myń oryndy qosalqy nysan paıdalanýǵa berildi. Bıyl kúzde Alataý aýdanynda 600 oryndy taǵy bir jańa mektep ashylady. Eki mektep janynan 1300 oryndy qosalqy nysandar boı kóteredi. Elbasynyń tapsyrmasy boıynsha shaharda 7900 oryndy taǵy 8 jańa mektep salynady dep josparlanǵan.


ALMATY

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar